ຫຼາຍໆຄົນເວລາທີ່ຄັ້ນໝາກເຜັດ, ຊອຍໝາກເຜັດ ຈະເຮັດໃຫ້ເຮົາຮ້ອນມື ເພາະມືເຮົາບາງ ເວລາໄປສຳຜັດກັບໝາກເຜັດຈະຮູ້ສຶກຮ້ອນບໍ່ຫຼາຍກໍໜ້ອຍ, ດັ່ງນັ້ນ ເຮົາມາຮູ້ຈັກກັບວິທີແກ້ມືຮ້ອນຈາກໝາກເຜັດ ນຳກັນເລີຍ
- ໃຊ້ເກືອປົ່ນ: ຫາກເຈົ້າຊອຍໝາກເຜັດແລ້ວມີອາການຮ້ອນແສບມື ໃຫ້ເອົາເກືອທີ່ເຮົາໃຊ້ແຕ່ງອາຫານ ມາທາໃສ່ມືແລ້ວລູບເກືອໃສ່ຜິວບໍລິເວນຮູ້ສຶກຮ້ອນ, ຖູໄປມາບຶດໜຶ່ງຈະຊ່ວຍຫຼຸດຄວາມແສບຮ້ອນຈາກໝາກເຜັດໄດ້
- ໃຊ້ແປ້ງ: ໃຊ້ແປ້ງຊ່ວຍຫຼຸດອາການແສບຮ້ອນຈາກໝາກເຜັດໄດ້ເຊັ່ນ: ແປ້ງຝຸ່ນ, ແປ້ງທາຕົວ, ແປ້ງເຮັດອາຫານ, ແປ້ງເຢັນ, ແປ້ງເດັກ ກໍສາມາດເອົາມາໃຊ້ໄດ້ ໂດຍວິທີການແມ່ນ ໃຫ້ເອົາແປ້ງມາທາລູບໃສ່ບໍລິເວນທີ່ມືຮ້ອນ ປະໄວ້ບຶດໜຶ່ງອາການຈະດີຂຶ້ນ
- ຖູມືດ້ວຍໃບໝາກເຜັດ: ຫາກເຈົ້າຮູ້ສຶກຮ້ອນມືຈາກໝາກເຜັດ ໃຫ້ເອົາໃບຂອງໝາກເຜັດມາບົດລະອຽດ ຫຼືຕຳໃຫ້ແຫຼກ ແລ້ວເອົາມາທາມືບໍລິເວນທີ່ມີອາການ ແລ້ວປະໄວ້ບຶດດຽວອາການແສບຈະດີຂຶ້ນ
- ແຊ່ມືໃນນໍ້າເກືອ: ດ້ວຍການກຽມນໍ້າເກືອແບບເຄັມໆ ໂດຍໃຊ້ເກືອທີ່ເຮົາແຕ່ງກິນນັ້ນ, ຈາກນັ້ນເອົາມືຈຸ່ມລົງແຊ່ໄວ້ປະມານ 2-3 ນາທີ ຈະຊ່ວຍບັນເທົາອາການແສບມືໄດ້
- ແຊ່ມືໃນເຂົ້າສານ: ດ້ວຍການເອົາມືທີ່ແສບຮ້ອນນັ້ນໄປຈຸ່ມມືລົງໃນຖັງເຂົ້າສານ ແຊ່ໄວ້ແບບນັ້ນອາການແສບຮ້ອນຈະຫຼຸດລົງ ແລະດີຂຶ້ນ ເຊິ່ງເປັນວິທີທີ່ງ່າຍດາຍ
- ໃຊ້ນໍ້າໝາກນາວ: ເອົານໍ້າໝາກນາວມາທາລົງບໍລິເວນທີ່ແສບຮ້ອນມື ແລ້ວລ້າງອອກດ້ວຍນໍ້າສະອາດ ຈະຊ່ວຍອາການແສບຮ້ອນມືຫຼຸດລົງໄດ້