ໃນວັນທີ 6 ມີນາ 2017 ຜ່ານມາ ທີ່ກະຊວງກະສິກຳ ແລະປ່າໄມ້ ໄດ້ມີພິທີການ​ເຊັນ​ສັນຍາ ໂຄງການສະໜັບສະໜູນ ປັບປຸງວິທະຍາໄລ ກະສິກຳ ແລະປ່າໄມ້ ລະຫວ່າງທ່ານ ພວງ​ປາ​ຣິ​ສັກ ປຣະ​ວົງ​ວຽງ​ຄຳ ຮອງ​ລັດ​ຖະ​ມົນຕີ​ກະຊວງ​ກະສິກຳ ແລະ ປ່າໄມ້ ແລະ ທ່ານ ທິມ ແອນ​ເດີ​ລິນ ຫົວໜ້າ​ອົງການ​ພັດທະນາ ແລະ ຮ່ວມ​ມື ​ສະ​ວິດ ປະຈຳ​ພາກ​ພື້ນ​ແມ່ນ້ຳຂອງ ໂດຍ​ມີ​ພາກສ່ວນ​ທີ່​ກ່ຽວຂ້ອງ​ທັງ​ສອງ​ຝ່າຍ​ຮ່ວມ​ເປັນ​ສັກຂີ​ພິຍານ.

ໃນພິທີດັ່ງກ່າວນີ້, ທ່ານ ພວງ​ປາ​ຣິ​ສັກ ປຣະ​ວົງວຽງ​ຄຳ ເວົ້າ​ວ່າ: ໂຄງການ​ນີ້ ​ຈະ​ຊ່ວຍ​ໃຫ້ ​ສປປ ລາວ ກ້າວ​ໄປ​ສູ່​ກະສິກຳ​ການ​ຄ້າ​ຢ່າງເປັນ​ລະບົບ ແລະ ຊ່ວຍ​ສ້າງ​ຊັບພະຍາກອນ​ມະນຸດ​ທີ່​ມີ​ຄຸນະພາບສູງ, ເຊິ່ງລັດຖະບານສະ​ວິດ ສືບຕໍ່ສະໜັບສະໜູນ​ປັບປຸງ​ວິທະຍາໄລກະສິກຳ ແລະ ປ່າໄມ້ ໃນ ​ສປປ ລາວ ໄລຍະ​ທີ 3 ເປັນ​ຈຳນວນເງິນ 4,2 ລ້ານ​ໂດ​ລາ​ສະຫະລັດ ຫຼື ປະມານ 33,6 ຕື້​ກີບ ເພື່ອ​ພັດທະ​ນາ​ການ​ສິດສອນ​ໃຫ້​ມີ​ຄຸ​ນະພາບ ແລະ ໃຫ້ເປັນ​ຮູບ​ປະ​ທຳ​ສາມາດ​ນຳ​ໃຊ້​ເຂົ້າ​ໃນ​ວຽກ​ງານ​ຕົວຈິງ.

ແຫຼ່ງຂ່າວ: ໜັງສືພິມ ວຽງຈັນໃໝ່