ອາການເຈັບແຂ້ວ ສາມາດເກີດຂຶ້ນຈາກຫຼາຍສາເຫດ ແລະເຖິງແມ່ນວ່າບໍ່ໄດ້ສົ່ງຜົນຕໍ່ສຸຂະພາບຮ່າງກາຍເຖິງຂັ້ນຊີວິດ ແຕ່ການເຈັບແຂ້ວກໍເປັນສິ່ງທີ່ສ້າງຄວາມເຈັບປວດທໍລະມານໃຫ້ກັບເຮົາໄດ້ພໍສົມຄວນ, ລອງມາຫຼຸດອາການເຈັບແຂ້ວດ້ວຍສະໝຸນໄພ ເພາະມັນຈະບໍ່ທຳລາຍສຸຂະພາບ ແຖມຍັງຊ່ວຍຫຼຸດອາການເຈັບແຂ້ວໄດ້ຫຼາຍອີກດ້ວຍ
- ຫວ້ານຫາງແຂ້: ມີສັບພະຄຸນໃນການທຳລາຍເຊື້ອພະຍາດ ແລະສະຫຼາຍພິດຂອງເຊືອພະຍາດ ດ້ວຍການປາດຫວ້ານຫາງແຂ້ເປັນຕ່ອນຍາວປະມານ 2-3 ຊັງຕີແມັດ ແລ້ວລ້າງຢາງອອກໃຫ້ໝົດ ເອົາໄປສຽບໃສ່ຮູແຂ້ວທີ່ເປັນແມງ, ໃຊ້ແຂ້ວກັດໃຫ້ຢູ່ບໍລິເວນທີ່ປວດ ຫຼືອາດໃຊ້ໄມ້ພັນສຳລີຈຸ່ມນໍ້າຫວ້ານຫາງແຂ້ ທາລົງບໍລິເວນທີ່ເຈັບ ຈະຊ່ວຍຫຼຸດອາການເຈັບປວດລົງໄດ້
- ນໍ້າມັນກະທຽມ: ໃຊ້ສຳລີຈຸບນໍ້າມັນກະທຽມທາບໍລິເວນທີ່ເຈັບແຂ້ວ ຈະຊ່ວຍບັນເທົາອາການເຈັບແຂ້ວໄດ້
- ດອກດາວເຮືອງ: ໃຊ້ດອກແຫ້ງປະມານ 7-8 ດອກ ຕົ້ມກັບນໍ້າສະອາດໃນປະລິມານທີ່ພໍດີ ດື່ມເປັນສະໝຸນໄພເພື່ອແກ້ອາການເຈັບແຂ້ວ
- ຜັກບົ້ງແດງ: ເອົາຮາກສົດຂອງຜັກບົ້ງມາປະມານ 10 ກຣາມ ແລ້ວນຳໃຫ້ລະອຽດແລ້ວຄັ້ນເອົານໍ້າ ປະສົມກັບນໍ້າສົ້ມສາຍຊູ ມາອົມໄວ້ປະມານ 5 ນາທີ ແລ້ວບ້ວນອອກດ້ວຍນໍ້າສະອາດ
- ໝາກຮະ: ເອົາຮາກສົດຂອງເຄືອໝາກຮະມາຕຳໃຫ້ແຫຼກ ແລ້ວພອກແຂ້ວບ່ອນທີ່ເຈັບ ໂດຍໃຊ້ລີ້ນກົດທັບໄວ້ດົນເຕີບ ອາການປວດຈະຫຼຸດລົງ