ພະຍາດລິດສີດວງເປັນພະຍາດທີ່ເກີດຂຶ້ນກັບຄົນເຮົາໄດ້ງ່າຍ ເຊິ່ງສາເຫດເກີດມາຈາກຫຼາຍປັດໄຈ ແລະເມື່ອເກີດຂຶ້ນກັບໃຜກໍຕ້ອງເພີ່ມຄວາມລຳບາກໃນການໃຊ້ຊີວິດປະຈຳວັນຫຼາຍພໍສົມຄວນ, ດັ່ງນັ້ນຫາກໃຜທີ່ບໍ່ຢາກເປັນພະຍາດນີ້ ກໍຕ້ອງປ້ອງກັນໄວ້ກ່ອນ ດ້ວຍວິທີດັ່ງຕໍ່ໄປນີ້
- ກິນອາຫານທີ່ມີເສັ້ນໃຍສູງເຊັ່ນ: ຜັກ, ໝາກໄມ້ຕ່າງໆ, ຖົ່ວ, ທັນຍາພືດ ເພື່ອໃຫ້ການຂັບຖ່າຍສະດວກ ແລະບໍ່ສ່ຽງອາການທ້ອງຜູກ
- ດື່ມນໍ້າສະອາດຢ່າງໜ້ອຍມື້ລະ 8-10 ແກ້ວ ເພາະນໍ້າມີສ່ວນຊ່ວຍໃຫ້ກາກອາຫານມີຄວາມອ່ອນໂຕລົງ, ຊ່ວຍໃຫ້ອາຫານຜ່ານລຳໄສ້ໄດ້ສະດວກ
- ອອກກຳລັງກາຍແບບສະໝໍ່າສະເໝີ ເພາະບໍ່ພຽງຊ່ວຍໃຫ້ຂັບຖ່າຍສະດວກຂຶ້ນເທົ່ານັ້ນ, ການອອກກຳລັງກາຍຍັງຊ່ວຍກະຕຸ້ນການເຮັດວຽກຂອງລຳໄສ້ໃຫ້ມີການເຄື່ອນທີ່ ເຮັດໃຫ້ສຸຂະພາບແຂງແຮງ
- ຄວນຫຼີກລຽງເຄື່ອງດື່ມແອວກໍຮໍ ແລະຄາເຟອິນເຊັ່ນ: ເຫຼົ້າ, ເບຍ, ວາຍ, ກາເຟ ເພາະຈະເຮັດໃຫ້ຮ່າງກາຍຂາດນໍ້າ, ອຸດຈະລະຈະແຂງຕົວ ແລະຖ່າຍບໍ່ສະດວກ
- ບໍ່ຄວນກັ້ນອຸດຈະລະເປັນເວລາດົນ
- ຫຼີກລຽງການນັ່ງຖ່າຍໜັກເປັນເວວລາດົນເຊັ່ນ: ນັ່ງອ່ານໜັງສື ຫຼືຫຼິ້ນໂທລະສັບໄປພ້ອມ
- ຄວນຫຼີກລຽງການຖູບໍລິເວນຮູທະວານໜັກຢ່າງຮຸນແຮງ
ພະຍາດລິດສີດວງເກີດຂຶ້ນກັບທຸກຄົນໄດ້, ດັ່ງນັ້ນ ໃຜທີ່ຍັງບໍທັນເປັນພະຍາດນີ້ ຄວນດູແລສຸຂະພາບຕົວເອງໃຫ້ດີຕາມຄຳແນະນຳຂ້າງເທິງ ຫຼືໃຜທີ່ເປັນພະຍາດລິດສີດວງແລ້ວ ກໍຄວນດູແລຕົວເອງ ລວມທັງປິ່ນປົວລິດສີດວງທະວານໃຫ້ຖືກວິທີ