ເປັນທີ່ຮືຮາສຳລັບຜ່ານມາ ເມື່ອສິລະປິນຄົນຝຣັ່ງ Abraham Poincheval ຜູ້ທີ່ມັກທົດລອງເຮັດສິ່ງແປກໆ ເຊັ່ນການເຂົ້າໄປຢູ່ໃນຫຸ່ນໝີເປັນເວລາ 13 ວັນ, ສຳຫຼວດແມ່ນໍ້າ Rhone ເຊິ່ງອາໄສຢ່ໃນກວດພາສຕິກຂະໜາດໃຫຍ່ ທີ່ມີກະດອນປິດຢູ່ ຫຼືໄປອາໄສຢູ່ໃນຫ້ອງໃຕ້ດິນຂອງຮ້ານໜັງສືແຫ່ງໜຶ່ງໃນເມືອງມາຣ໌ແຊຍ໌
ສຳນັກຂ່າວຣອຍເຕີລາຍງານເມື່ອວັນທີ 2 ມີນາ 2017 ຜ່ານມາວ່າ ສິລະປິນຄົນຝຣັ່ງຊື່ວ່າ Abraham Poincheval ຄົນນີ້ອາຍຸ 44 ປີ ສາມາດເຮັດພາລະກິດສຸດແປກໄດ້ສຳເລັດ, ຂະນະທີ່ອາໄສຢູ່ພາຍໃນຫີນປູນ ທີ່ເຈາະຊ່ອງໃຫ້ພໍດີກັບຕົວເຂົາ ເປັນເວລາໜຶ່ງອາທິດ ທີ່ພິພິທະພັນປາເລ່ສ໌ ເດິ ໂຕກຽວ ໃນປະເທດຝຣັ່ງ, ຕັ້ງແຕ່ວັນທີ 22 ກຸມພາ ຜ່ານມາ ແລະຄົບກຳນົດອອກມາສູ່ພາຍນອກໃນວັນພຸດ ວັນທີ 1 ມີນາ 2017 ຜ່ານມານີ້
ຫີນປູນທີ່ລາວອາໄສຢູ່ນັ້ນ ມີການເຈາະຊ່ອງລະບາຍອາກາດນ້ອຍໆ ເພື່ອໃຫ້ລາວໄດ້ຫາຍໃຈ ເຊິ່ງການກິນແມ່ນກິນພຽງແຕ່ ກວນໝາກໄມ້ຕ່າງໆເທົ່ານັ້ນ, ນອກນີ້ລາວຍັງມີເຄື່ອງໃຊ້ສ່ວນຕົວເຊັ່ນ: ປຶ້ມບັນທຶກ ແລະໂທລະສັບທີ່ໃຊ້ໂທໃນກໍລະນີສຸກເສີນເຂົ້າໄປນຳ
ເມື່ອ Abraham Poincheval ອອກຈາກຫີນປູນແລ້ວ ລາວໄດ້ຮັບການຊ່ວຍເຫຼືອຈາກທີມແພດ ແລະຕ້ອງມີຄົນດູແລຈັບປະຄອງຢູ່ໄລຍະໜຶ່ງ
ຈາກນັ້ນ, ລາວໄດ້ເວົ້າວ່າ ” ຂ້ອຍຮູ້ສຶກງົງເລັກໜ້ອຍ ແລະມັນເປັນເລື່ອງທີ່ອະທິບາຍຍາກ ມັນເປັນຊ່ວງເວລາທີ່ດົນຫຼາຍໃນການສູນເສຍຄວາມເປັນສ່ວນຕົວ” ແລະຂອບໃຈທຸກຄົນທີ່ມາຖ້າຕ້ອນຮັບລາວໃນມື້ນີ້ຢ່າງຕື່ນເຕັ້ນ