ຖືວ່າຍັງອີກດົນກວ່າຈະຮອດມື້ເປີດໂຕສະມາດໂຟນລຸ້ນໃໝ່ທີ່ເປັນເຮືອທຸງຫຼັກຂອງທາງ Samsung ນັ້ນກໍຄື: Samsung Galaxy S8 ແລະ Galaxy S8+. ໂດຍງານເປີດໂຕທັງສອງເຄື່ອງນີ້ຈະຈັດຂຶ້ນເມື່ອວັນທີ 29 ມີນາ 2017 ທີ່ກຸງນິວຢອຣ໌ກ ປະເທດສະຫະລັດອາເມຣິການັ້ນເອງ.
ເຊິ່ງມື້ນີ້ເຮົາກໍມີຮູບຫຼຸດມາຝາກແຟນໆຊາວຊຳຊຸງນຳກັນ, ມາເລີ່ມກັນທີ່ຮູບໜ້າຈໍດ້ານເທິງນີ້ກັນເລີຍ ໂດຍເຮົາຈະເຫັນໄດ້ວ່າໜ້າຈໍເປັນຈໍໂຄ້ງ ຂະໜາດ 5.8 ນິ້ວ, ອີກທັງຊຳຊຸງຍັງໄດ້ຕັດເອົາປຸ່ມໂຮມທີ່ເປັນເອກກະລັກອອກໄປ ແລ້ວແທນດ້ວຍປຸ່ມໃນຈໍ 3 ປຸ່ມ ແລະຍັງມີເຊັນເຊີ້ສະແກນມ່ານຕາທີ່ດ້ານເທິງຈໍນຳ.
ໃນສ່ວນດ້ານຊ້າຍໂຕເຄື່ອງນັ້ນມີປຸ່ມເພີ່ມສຽງ-ຫຼຸດສຽງຄືເກົ່າ ແລະ ມາພ້ອມປຸ່ມໃຊ້ງານຜູ້ຊ່ອຍອັດສະລິຍະ. ໃນຂະນະທີ່ດ້ານຂວາເຄື່ອງນັ້ນມີພຽງປຸ່ມ Power ຢ່າງດຽວ.
ທາງດ້ານລຸ່ມຂອງໂຕເຄຶ່ອງເຮົາຈະເຫັນພອຣ໌ດ USB Type-C, ຮູແຈັກຫູຟັງ 3.5 ມມ ແລະ ໄມໂຄຣໂຟນ.
ຂ່າວລືສະເປັກຂອງ Samsung Galaxy S8 ແລະ S8+ ມີດັ່ງນີ້:
- S8: ໜ້າຈໍ Super AMOLED ຂະໜາດ 5.8 ນິ້ວ, Quad HD+ (2560×1440 ພິກເຊວ) ມາພ້ອມຈໍໂຄ້ງ
- S8+: ໜ້າຈໍ Super AMOLED ຂະໜາດ 6.2 ນິ້ວ, Quad HD+ (2560×1440 ພິກເຊວ) ມາພ້ອມຈໍໂຄ້ງ
- CPU: Qualcomm Snapdragon 835 / Samaung Exynos 9 Series 8895
- GPU: Adreno 540 / Mali-G71 MP20
- RAM: 4GB RAM
- ROM: 64GB ເພີ່ມກາຣ໌ດ microSD ໄດ້
- ລະບົບ: Android 7.0 (Nougat)
- ຊິມ: Dual SIM
- ກ້ອງຫຼັງ: ເລນຄູ່ 12 ລ້ານພິກເຊວ ພ້ອມແຟລັດ LED ແລະ f/1.7
- ກ້ອງໜ້າ: 8 ລ້ານພິກເຊວ ພ້ອມ f/1.7
- ເຊັນເຊີ້: ກວດຈັບການເຕັ້ນຂອງຫົວໃຈ, ສະແກນລາຍນິ້ວມື, ສະແກນມ່ານຕາ ແລະກວດຈັບສະພາບອາກາດ
- ມາດຕະຖານ: IP68 ກັນນ້ຳ ແລະຝຸ່ນ
- ການເຊື່ອມຕໍ່: 4G VoLTE, Wi-Fi 802.11ac, Bluetooth 4.2 LE, GPS with GLONASS, USB 2.0, NFC
- S8: ແບັດເຕີຣີ 3000mAh ມາພ້ອມລະບົບສາກໄວທັງແບບໃຊ້ສາຍ ແລະໄຮ້ສາຍ (WPC and PMA)
- S8+: ແບັດເຕີຣີ 3500mAh ມາພ້ອມລະບົບສາກໄວທັງແບບໃຊ້ສາຍ ແລະໄຮ້ສາຍ (WPC and PMA)
ຢ່າງໃດກໍຕາມໃນສ່ວນຂອງລາຄາ ແລະມື້ວາງຈຳໜ່າຍໃນຕອນນີ້ຍັງບໍ່ມີລາຍລະອຽດທີ່ຊັດເຈນເທື່ອ ເຮົາຕ້ອງຖ້າຕິດຕາມມື້ເປີດໂຕຢ່າງເປັນທາງການພຸ້ນເດີ້.
ແຫຼ່ງຂ່າວ: fonearena