spot_img
Homeຂ່າວ​ໄອ​ທີSamsung Galaxy Xcover 4 ສະມາດໂຟນແຫ່ງຄວາມທົນລຸ້ນໃໝ່ ຮອງຮັບມາດຕະຖານ IP68

Samsung Galaxy Xcover 4 ສະມາດໂຟນແຫ່ງຄວາມທົນລຸ້ນໃໝ່ ຮອງຮັບມາດຕະຖານ IP68

Published on

ເປັນເວລາເຖິງ 2 ປີ ທີ່ທາງ Samsung ໄດ້ເປີດໂຕ Galaxy Xcover 3 ໃນປີ 2015 ເຊິ່ງເປັນສະມາດໂຟນທີ່ເຮັດມາເພື່ອທົນທານຕໍ່ແຮງກະທົບຕ່າງໆ ແລະມາໃນມື້ນີ້ Samsung ກໍໄດ້ປະກາດເປີດໂຕລຸ້ນສືບທອດຂອງມັນອອກມາແລ້ວນັ້ນກໍຄື: Galaxy Xcover 4.



ສຳລັບ Samsung Galaxy Xcover 4 ນີ້ມາພ້ອມກັບມາດຕະຖານ IP68 ແລະມາດຕະຖານ US Military Standard MIL-STD 810G ທີ່ສາມາດກັນນ້ຳໃນລະດັບຄວາມເລິກ 1.5 ແມັດ ໄດ້ 30 ນາທີ, ກັນກະທົບໃນລະດັບຄວາມສູງ 1.2 ແມັດ ແລະສາມາດກັນຝຸ່ນໄດ້ນຳ. ໂດຍນອກຈາກການປ້ອງກັນແລ້ວ ທາງດ້ານໜ້າຈໍເອວກໍອອກແບບມາເພື່ອໃຫ້ສຳຜັດໄດ້ງ່າຍໃນເມື່ອເຮົາໃສ່ຖົງມືອີກພ້ອມ.

ສະເປັກທີ່ເປັນຂ່າວລືຂອງ Samsung Galaxy Xcover 4 ມີດັ່ງນີ້:


  • ນ້ຳໜັກ: 172 ກຣາມ
  • ໜ້າຈໍ: ຂະໜາດ 4.99 ນິ້ວ, HD (1280 × 720 ພິກເຊວ)
  • CPU: Exynos 7570 1.4 GHz 
  • GPU: Mali-T720
  • RAM: 2GB RAM
  • ROM: 16GB ເພີ່ມກາຣ໌ດ microSD ໄດ້ 128GB
  • ລະບົບ: Android 7.0 (Nougat)
  • ຄວາມປອດໄພ: IP68 – ສາມາດກັນນ້ຳ ແລະ ຝຸ່ນ ແລະມາດຕະຖານ US Military Standard MIL-STD 810G
  • ກ້ອງຫຼັງ: 13 ລ້ານພິກເຊວ ພ້ອມແຟລັດ LED ແລະ f/1.9
  • ກ້ອງໜ້າ: 5 ລ້ານພິກເຊວ
  • ການເຊື່ອມຕໍ່: 4G, Wi-Fi 802.11 a/b/g/n, Bluetooth 4.0, GPS/GLONASS, NFC
  • ແບັດເຕີຣີ: 2,800mAh 

ສຳລັບ Samsung Galaxy Xcover 4 ແມ່ນມາດ້ວຍໂຕເຄື່ອງສີດຳ ມີລາຄາຢູ່ທີ່ 259 ຢູໂຣ (2.230.000 ກີບ) ແລະຈະເລີ່ມວາງຂາຍໃນຊ່ວງເດືອນເມສາ ໃນແຖບປະເທດຢຸໂຣບ. 

ແຫຼ່ງຂ່າວ: fonearena

ບົດຄວາມຫຼ້າສຸດ

ອຸທາຫອນ! ແມ່ຕູ້ຊາວຈີນມີຄວາມເຊື່ອແປກ ຕັດສິນໃຈກິນກົບສົດໆລົງທ້ອງ ຫວັງໃຫ້ເຊົາເຈັບຫຼັງ ແຕ່ສຸດທ້າຍອາການໜັກ

ເມື່ອປວດຫຼັງຫຼາຍຄົນອາດຈະເລືອກກິນຢາ ຫຼື ໄປຫາແພດ ແມ່ນບໍ່, ແຕ່ມີລາຍງານຂ່າວຈາກເມືອງຫາງໂຈ ປະເທດຈີນ, ເມືອບໍ່ດົນມານີ້ ວ່າ ມີແມ່ຕູ້ຄົນໜຶ່ງ ມີອາການເຈັບຫຼັງ ແລະເລືອກວິທີຮັກສາຕາມຄວາມເຊື່ອຂອງຕົນ ໂດຍການກືນກິນກົບສົດລົງທ້ອງ ຈົນເຮັດໃຫ້ເຊື້ອພະຍາດເຂົ້າສູ່ຮ່າງກາຍ. ເຊິ່ງກ່ອນເກີດເຫດແມ່ຕູ້ໄດ້ຂໍໃຫ້ພີ່ນ້ອງໄປຈັບກົບຂະໜາດນ້ອຍມາໃຫ້ ໂດຍບໍ່ໄດ້ບອກວ່າຈະເອົາໄປເຮັດຫຍັງ,...

ວັນການທູດລາວຄົບຮອບ 80 ປີ ປັດຈຸບັນ ລາວມີສາຍພົວພັນການທູດກັບ 151 ປະເທດ ມີສໍານັກງານຕາງໜ້າການທູດ ຢູ່ຕ່າງປະເທດ 41 ແຫ່ງ

ວັນການທູດລາວຄົບຮອບ 80 ປີ (12/10/1945-12/10/2025) ແມ່ນວັນສຳຄັນທາງປະຫວັດສາດຂອງຊາດ ທີ່ມີຄວາມໝາຍຄວາມສຳຄັນ ເພາະສະແດງອອກພູມປັນຍາຄວາມສະຫລາດສ່ອງໃສຂອງບັນພະບູລຸດ ແລະ ຄວາມສຳເລັດຂອງພາລະກິດຕ່າງໆຕັ້ງແຕ່ອາດີດຮອດປັດຈຸບັນ ແລະ ແນໃສ່ສືບຕໍ່ສ້າງເປັນບົດຮຽນ ເປັນມູນມັງມໍລະດົກຕົກທອດໃຫ້ແກ່ຄົນຮຸ່ນ ໃໝ່ຕໍ່ໆໄປໃນອະນາຄົດ. ເຊິ່ງກົມການເມືອງສູນກາງພັກໄດ້ອອກແຈ້ງການສະບັບເລກທີ...

ພິທີປະກາດຊື່ໂຮງຮຽນມັດທະຍົມສົມບູນມິດຕະພາບລາວ – ສປປ ເກົາຫຼີ ແລະ ປາຖະກະຖາວັນສ້າງຕັ້ງພັກແຮງງານເກົາຫຼີ ຄົບຮອບ 80 ປີ

ສະມາຄົມມິດຕະພາບລາວ - ສປປ ເກົາຫຼີ, ໂຮງຮຽນມັດທະຍົມສົມບູນມິດຕະພາບລາວ - ສປປ ເກົາຫຼີ ຮ່ວມກັບສະຖານເອກອັກຄະລັດຖະທູດແຫ່ງ ສປປ ເກົາຫຼີ ປະຈຳ ສປປ ລາວ...

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ຢ່າງເປັນທາງການ

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025. ກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ໄດ້ໄຂຂຶ້ນໃນຕອນເຊົ້າ ວັນທີ 9 ຕຸລາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສອນໄຊ...