ຜັກຫອມປ້ອມ ເປັນຜັກທີ່ມີກິ່ນຫອມ ເປັນທີ່ນິຍົມຫຼາຍໃນການນຳມາປະກອບອາຫານຕ່າງໆ ເພື່ອເຮັດໃຫ້ອາຫານມີກິ່ນຫອມ ແລະຍັງມີສັບພະຄຸນຕໍ່ຮ່າງກາຍຫຼາຍປະການອີກ, ສີຂຽວສົດຂອງຜັກຫອມປ້້ອມ ແລະໃບທີ່ເປັນເອກະລັກ ຈຶ່ງເປັນທີ່ນິຍົມໃນການເອົາມາເປັນຜັກແຕ່ງຈານອາຫານ ໃຫ້ໜ້າຢາກຮັບປະທານຫຼາຍຂຶ້ນ
- ຊ່ວຍບຳລຸງ ແລະຮັກສາສາຍຕາ
- ຊ່ວຍບຳລຸງທາດໃນຮ່າງກາຍ ແລະຫຼຸດນໍ້າຕານໃນເລືອດ
- ຊ່ວຍບຳລຸງການເຮັດວຽກຂອງກ້າມເນື້ອ
- ຊ່ວຍແກ້ອາການເປັນຫວັດ ແລະເປັນໄອ
- ຊ່ວຍຂັບລົມໃນກະເພາະ ແລະຍ່ອຍອາຫານໄດ້ດີ
- ແກ້ອາການປວດຮາກ ແລະເຈັບຫົວ
- ກິນຊ່ວຍແກ້ຕັບອັກເສບ
- ຊ່ວຍຕ້ານເຊື້ອລາ, ແບັກທີເລຍໄດ້
- ຊ່ວຍຫຼຸດອາການປວດບວມຕາມຂໍ້
- ຊ່ວຍໃຫ້ຈະເລີນອາຫານຫຼາຍຂຶ້ນ ແລະບຳລຸງກະເພາະອາຫານ ດ້ວຍການເອົາແກ່ນຜັກຫອມປ້ອມມາບົດເປັນຜົງກິນ ຫຼືເອົາມາຕົ້ມກັບນໍ້າດື່ມ
- ຊ່ວຍຂັບເຫື່ອ ດ້ວຍການໃຊ້ຕົ້ນສົດປະມານ 60 ກຣາມມາຕົ້ມກັບນໍ້າດື່ມ ຫຼືຄັ້ນເອົາສະເພາະນໍ້າມາດື່ມ
- ໃຊ້ແກ້ອາການເຈັບແຂ້ວ, ເຈັບປາກ ດ້ວຍການໃຊ້ແກ່ນຜັກຫອມປ້ອມມາຕົ້ມແລ້ວເອົາມາອົມບ້ວນປາກຄ່ອຍໆ
- ຊ່ວຍປິ່ນປົວພະຍາດລິດສີດວງທະວານ ດ້ວຍການໃຊ້ແກ່ນສົດຂອງຜັກຫອມປ້ອມ ມາຕຳໃຫ້ມຸ່ນແລ້ວປະສົມກັບເຫຼົ້າ ດື່ມມື້ລະ 5 ຄັ້ງ ຫຼືໃຊ້ຕົ້ນສົດ ປະມານ 120 ກຣາມ ເອົາມາຕຳປະສົມນົມ 2 ແກ້ວປະສົມນໍ້າຕານດື່ມ
- ຊ່່ວຍແກ້ທ້ອງບິດ, ຖ່າຍເປັນເລືອດ ດ້ວຍການໃຊ້ແກ່ນປະມານ 1 ຖ້ວຍຊາ ເອົາມາຕຳປະສົມກັບນໍ້າຕານຊາຍແລ້ວປະສົມກັບນໍ້າດື່ມ