ບັນຫາຕີນເໝັນ ເປັນບັນຫາໃຫຍ່ກໍວ່າໄດ້ ຫຼາຍຄົນອາດຄິດວ່າເປັນປົກກະຕິທີ່ຈະເກີດຂຶ້ນກັບຄົນທີ່ໃສ່ເກີບຜ້າໃບ ຫຼືເກີບທີ່ລະບາຍອາກາດບໍ່ໄດ້ດີ ເວລາປົດເກີບອອກມາກໍຈະເຮັດໃຫ້ເໝັນ ເຊິ່ງນັ້ນບໍ່ແມ່ນຄວາມຈິງເລີຍ ເພາະບາງຄົນໃສ່ເກີບໜັງປົດເກີບອອກມາຍັງບໍ່ເຮັດໃຫ້ມີກິ່ນ, ສະນັ້ນ, ບັນຫາຕີນເໝັນເປັນເລື່ອງຂອງບຸກຄົນຫຼາຍກວ່າ ເຊິ່ງສາເຫດທີ່ເຮັດໃຫ້ຕີນເໝັນນັ້ນ ບໍ່ໄດ້ເກີດຈາກເຫື່ອທີ່ອອກມາຈາກຕີນເຮົາໂດຍກົງ ແຕ່ເກີດຈາກແບັກທີເລຍທີ່ຢູ່ໃນຕີນຂອງເຮົາ ທີ່ເຮັດໃຫ້ເກີດກິ່ນເໝັນອອກມາ, ມື້ນີ້ ລາວໂພສຕ໌ ມີວິທີແກ້ບັນຫາຕີນເໝັນມາຝາກທຸກຄົນ
- ແຊ່ຕີນໃນນໍ້າອຸ່ນປະສົມເກືອ: ເປັນວິທີເຮັດທີ່ງ່າຍໄດ້ຜົນດີຄື ຕົ້ມນໍ້າໃຫ້ຟົດ ແລະປະໄວ້ໃຫ້ອຸ່ນ ຈາກນັ້ນໃສ່ເກືອລົງໃນນໍ້າທີ່ກຽມໄວ້, ແລ້ວເອົາຕີນແຊ່ລົງປະມານ 15-20 ນາທີ, ເຮັດຢ່າງນີ້ທຸກວັນພາຍໃນ 1 ເດືອນ, ອາການຕີນເໝັນຈະຄ່ອຍໆຫາຍດີ
- ແຊ່ຕີນໃນນໍ້າຢາ dettol : ຊອກຊື້ນໍ້າຢາ dettol ທີ່ເປັນກວດສີສົ້ມມາປະສົມກັບນໍ້າໃນຊາມທີ່ກຽມໄວ້ ເວລາທີ່ແຊ່ກໍເອົາບູລົດທີ່ໃຊ້ຖູຕີນ ມາຖູທຳຄວາມສະອາດພ້ອມ ໂດສະເພາະບໍລິເວນເລັບ ແລະງ່າມຕີນ ຕ້ອງຂັດເປັນພິເສດ ເພາະເຊື້ອແບັກທີເລຍຈະູຢູ່ບໍລິເວນນີ້ຫຼາຍ
- ແຊ່ຕີນໃນນໍ້າຢາບ້ວນປາກ: ຊື້ນໍ້າຢາບ້ວນປາກຍີ່ຫໍ້ໃດກໍໄດ້ ມາປະສົມກັບນໍ້າ 2 ຝາ ແລ້ວແຊ່ຕີນລົງໄປ ເພາະນໍ້າຢາບ້ວນປາກຈະມີຢາທຳລາຍເຊື້ອແບັກທີເລຍໄດ້ດີ ແຊ່ຕະຫຼອດຈະຊ່ວຍແກ້ບັນຫາຕີນເໝັນໄດ້
- ຂັດຕີນດ້ວຍຫີນສົ້ມ: ຊື້ຫີນສົ້ມມາ 1 ກ້ອນ ແລ້ວເອົາມາຖູໃຫ້ທົ່ວຝາຕີນ, ງ່າມຕີນ, ຫຼັງຕີນ ເພາະຫີນສົ້ມເປັນຢາລະງັບກິ່ນໄດ້ດີ
- ແກ້ບັນຫາຕີນເໝັນຢູ່ເກີບ ແລະຖົງຕີນຂອງເຮົາ: ດ້ວຍການຊັກເກີບ, ຖົງຕີນໃຫ້ສະອາດຢູ່ສະເໝີ ຢ່າໃສ່ຖົງຕີນຄູ່ດຽວຊໍ້າກັນຫຼາຍໆວັນ, ປ່ຽນພື້ນເກີບເປັນບາງຄັ້ງ