1. ເຂົ້ານອນແຕ່ຫົວຄໍ່າ ເຮັດໃຈໃຫ້ສະບາຍ ອາດນັ່ງສະມາທິ ດື່ມນົມອຸ່ນຈອກນ້ອຍ ຟັງທຳມະ ຫຼືຟັງເພງຊ້າໆ ປິດໄຟນອນ ເພີ່ມກິ່ນອະໂຣມາໃນຫ້ອງນອນທີ່ເຮັດໃຫ້ຈິດໃຈຜ່ອນຄາຍ
2. ຕື່ນນອນຕອນເຊົ້າເວລາເດີມ ຢ່າງສະໝໍ່າສະເໝີ ບໍ່ວ່າຈະຮູ້ສຶກຢາກນອນພຽງໃດກໍຕາມ ຫາກຕື່ນເວລາເດີມຕະຫຼອດ ຈະເຮັດໃຫ້ຮ່າງກາຍຄຸ້ນເຄີຍ ແລະຄ່ອຍໆປັບເປັນປົກກະຕິໄດ້ຢ່າງຊ້າໆ
3. ຫຼີກລຽງການເຮັດວຽກຜິດເວລາເປັນເວລາດົນ ຄວນຮູ້ຈັກແບ່ງເວລາໃນການເຮັດວຽກ, ກິນເຂົ້າ ແລະພັກຜ່ອນໃຫ້ເປັນເວລາປົກກະຕິ
4. ຫາກຢາກນອນໃນຕອນສວາຍບໍ່ຄວນນອນ ເພາະຈະເຮັດໃຫ້ຕອນກາງຄືນບໍ່ຢາກນອນ ແຕ່ຖ້າຢາກນອນຫຼາຍໆ ຄວນໃຊ້ເວລາຫຼັບສັ້ນໆ ບໍ່ເກີນ 30 ນາທີເທົ່ານັ້ນ

ຮ່າງກາຍຂອງເຮົາເຮັດວຽກຕາມເວລາ ເຮົາຄວນຮັກສາເວລາຂອງຮ່າງກາຍໃຫ້ເປັນປົກກະຕິ ເພື່ອລະບົບໃນຮ່າງກາຍຕ່າງໆເຮັດວຽກໄດ້ເປັນປົກກະຕິ, ຖ້າລະບົບໃນຮ່າງກາຍບໍ່ປົກກະຕິ ຈະເຮັດໃຫ້ພູມຄຸ້ມກັນໃນຮ່າງກາຍຕໍ່າ ແລະເປັນສາເຫດເຮັດໃຫ້ພະຍາດເຂົ້າມາທຳຮ້າຍຮ່າງກາຍຂອງເຮົາໄດ້