ເມື່ອບໍ່ດົນມານີ້ ຄະນະໂຄສະນາອົບຮົມສູນກາງພັກ ປປ ລາວ ໄດ້ຈັດພິທີປະກາດມະຕິຕົກລົງ ຂອງຄະນະເລຂາທິການສູນກາງພັກ ວ່າດ້ວຍການອະນຸມັດໃຫ້ພະນັກງານການນຳຂັ້ນສູງ ຂອງຄະນະໂຄສະນາອົບຮົມສູນກາງພັກ ອອກພັກຜ່ອນຮັບບຳນານຢ່າງເປັນທາງການ ທີ່ຄະນະໂຄສະນາອົບຮົມ ໂດຍເປັນກຽດເຂົ້າຮ່ວມຂອງທ່ານ ກິແກ້ວ ໄຂຄຳພິທູນ ເລຂາທິການສູນກາງພັກ ຫົວໜ້າຄະນະໂຄສະນາອົບຮົມສູນກາງພັກ.
ພະນັກງານການນຳຂັ້ນສູງ ຂອງຄະນະໂຄສະນາອົບຮົມສູນກາງພັກ ທີ່ຈະໄດ້ອອກພັກຜ່ອນຮັບບຳນານມີ 3 ທ່ານຄື: ທ່ານ ສີສຸກ ພິລາວົງ ອະດີດຮອງເລຂາຄະນະພັກ ຮອງຫົວໜ້າຄະນະໂຄສະ ນາອົບຮົມສູນກາງພັກ, ທ່ານ ບົວຈັນ ເພັງສະຫວັດ ອະດີດ ຄະນະພັກປະທານກວດກາ ຮອງຫົວໜ້າຄະນະໂຄສະນາອົບຮົມສູນກາງພັກ ແລະ ທ່ານ ນາງ ວຽງແກ້ວ ພົມມະຫາໄຊ ອະດີດຮອງຫົວໜ້າຄະນະໂຄສະນາອົບຮົມສູນກາງພັກ.
ໃນໂອກາດດຽວກັນ ທ່ານ ກິແກ້ວ ໄຂຄຳພິທູນ ກໍໄດ້ໃຫ້ກຽດໂອ້ລົມ ໂດຍໄດ້ຍົກໃຫ້ເຫັນ ຜົນງານໃນການປະກອບສ່ວນ ອັນສຳຄັນຂອງສາມທ່ານ, ຍ້ອງຍໍຊົມເຊີຍຕໍ່ຜົນງານ ແລະ ການປະກອບສ່ວນອັນສຳຄັນ ຂອງສາມທ່ານ ທີ່ໄດ້ທຸ້ມເທ ເຫື່ອແຮງ ແລະ ສະຕິປັນຍາ ຂອງຕົນເຂົ້າໃນພາລະກິດຕໍ່ສູ້ ກູ້ຊາດກໍຄືໃນພາລະກິດປົກປັກຮັກສາ ແລະ ພັດທະນາປະເທດຊາດເປັນຕົ້ນ ແມ່ນວຽກງານການເມືອງ-ແນວຄິດຂອງພັກ ພວກເພິ່ນ ຍາມໃດກໍມີຄວາມ ເປັນແບບຢ່າງຢູ່ແຖວໜ້າ ໃນການເຮັດວຽກງານການເມືອງ ສຶກສາອົບຮົມການເມືອງ -ແນວຄິດໂຄສະນາປາຖະກະຖາອະທິບາຍແນວທາງແຜນນະໂຍ າຍຂອງພັກລະບຽບ ກົດໝາຍຂອງລັດໃຫ້ແກ່ສະມາຊິກພັກ.
ແຫຼ່ງຂ່າວ: ໜັງສືພິມ ປະຊາຊົນ