spot_img
Homeຂ່າວເຫດການຫົວໜ້າຄະນະຈັດຕັ້ງສູນກາງພັກ ໂອ້ລົມ ຕໍ່ກອງປະຊຸມວຽກງານຈັດຕັ້ງ ກໍ່ສ້າງພັກ ຂອງກະຊວງ ຍທຂ

ຫົວໜ້າຄະນະຈັດຕັ້ງສູນກາງພັກ ໂອ້ລົມ ຕໍ່ກອງປະຊຸມວຽກງານຈັດຕັ້ງ ກໍ່ສ້າງພັກ ຂອງກະຊວງ ຍທຂ

Published on

ໃນວັນທີ 28 ກຸມພາ 2017 ຜ່ານມາ ທ່ານຈັນສີ ໂພສີຄຳ ໄດ້ມີໂອກາດໂອ້ລົມຕໍ່ ກອງປະຊຸມວຽກງານຈັດຕັ້ງ, ກໍ່ສ້າງພັກ-ພະນັກງານ ແລະປັບປຸງກົງຈັກການຈັດຕັ້ງຂອງກະຊວງໂຍທາທິການ ແລະຂົນສົ່ງ (ຍທຂ)

ທ່ານຈັນສີ ໂພສີຄຳ ກຳມະການກົມການເມືອງສູນກາງພັກ ເລຂາທິການສູນກາງພັກ ຫົວໜ້າຄະນະຈັດຕັ້ງສູນກາງພັກ ໄດ້ເນັ້ນໜັກ ໃຫ້ຄະນະພັກກະຊວງ, ຄະນະພັກບັນດາຮາກຖານ ການຈັດຕັ້ງໃຫ້ເອົາໃຈໃສ່ບາງວຽກງານທີ່ສຳຄັນດັ່ງນີ້: ເອົາໃຈໃສ່ການສຶກສາ ອົບຮົມນຳພາການເມືອງແນວຄິດໃຫ້ພະນັກງານ – ສະມາຊິກພັກຢູ່ທຸກຮາກຖານ ທີ່ຂຶ້ນ ກັບກະຊວງ ແລະ ພະແນກ ຍທຂ ຢູ່ທ້ອງຖິ່ນຢ່າງແຂງແຮງ ກວ່າເກົ່າ ໂດຍຖືເອົາການປະຕິບັດ ກົດໝາຍ ແລະ ລະບຽບການຢ່າງເຂັ້ມງວດ, ເພີ່ມທະວີຄວາມສາມັກຄີເປັນເອກະພາບພາຍໃນຄະນະພັກ, ປັບປຸງການດຳເນີນຊີວິດພັກຢູ່ຂັ້ນຮາກຖານໃຫ້ດຳເນີນເປັນປະຈຳທຸກເດືອນ, ມີເນື້ອໃນເລິກເຊິ່ງຮັບປະກັນລັກສະນະນຳພາ, ສຶກສາອົບຮົມ ແລະ ຕໍ່ສູ້ ໂດຍຖືເອົາການກໍ່ສ້າງຕຳນິຕິຊົມຕົນເອງ ແລະຕິຊົມກັນຢ່າງແຂງແຮງ.

ໃນນັ້ນໃຫ້ຄະນະພັກກະຊວງ ເອົາໃຈໃສ່ປະຕິບັດຫຼັກການລວມສູນປະຊາທິປະໄຕຂອງພັກ, ຕົກລົງເປັນໝູ່ຄະນະ, ບຸກຄົນຮັບຜິດຊອບ ຢ່າງຈະແຈ້ງ; ເອົາໃຈໃສ່ວຽກງານການກໍ່ສ້າງພັກໃຫ້ປອດໃສ, ໜັກແໜ້ນ, ເຂັ້ມແຂງ ແລະ ວຽກງານອອກບັດ – ມອບບັດໃຫ້ສະມາຊິກພັກສົມບູນ ໂດຍມີການກວດກາຕີລາຄາ ແບ່ງປະເພດການຈັດຕັ້ງພັກ ແລະ ສະມາຊິກພັກ, ລວມທັງເອົາໃຈໃສ່ວຽກງານຂະຫຍາຍພັກໂດຍຖືເອົາຄຸນນະພາບ ເປັນກົກ; ເອົາໃຈໃສ່ວຽກງານ ພະນັກງານ ໂດຍການຂຶ້ນ ແຜນບຳລຸງກໍ່ສ້າງພະນັກງານ ໃຫ້ຮັບປະກັນໄປຕາມທິດ ໂດຍສະເພາະເອົາໃຈໃສ່ສ້າງ ພະນັກງານທີ່ເຮັດວຽກງານຈັດ ຕັ້ງໃຫ້ໜັກແໜ້ນ, ພຽງພໍກັບໜ້າທີ່ການເມືອງ ເພື່ອຊ່ວຍວຽກງານໃຫ້ແກ່ຄະນະພັກໃຫ້ສຳເລັດໜ້າທີ່; ເອົາໃຈໃສ່ວຽກງານນະໂຍບາຍຕ່າງໆຕໍ່ພະນັກງານປະຈຳການ, ພະນັກງານບຳນານເພື່ອແກ້ໄຂຊີວິດ ການເປັນຢູ່ ແລະຊຸກຍູ້ສົ່ງເສີມ ພະນັກງານທີ່ມີຄວາມບຸກບືນຫ້າວຫັນ, ມີຫົວຄິດປະດິດສ້າງ, ມີຄຸນງາມຄວາມດີຕໍ່ປະເທດຊາດ, ຕໍ່ການຈັດຕັ້ງ ແລະ ເອົາໃຈໃສ່ປະຕິບັດວິໄນຕໍ່ພະນັກງານສະມາຊິກພັກທີ່ລະເມີດລະບຽບກົດໝາຍຢ່າງ ເຂັ້ມງວດ; ຮີບຮ້ອນປັບປຸງພາລະບົດບາດກະຊວງ, ກົມກອງ, ສະຖາບັນ, ພະແນກ ຍທຂ ສາຍຕັ້ງປະຈຳທ້ອງຖິ່ນໃຫ້ ສອດຄ່ອງວຽກຂະແໜງການ ໄລຍະໃໝ່ຕາມທິດກະທັດຮັດ ກົງຈັກເຂັ້ມແຂງສັກສິດ.

ແຫຼ່ງຂ່າວ: ໜັງສືພິມ ປະຊາຊົນ

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...