ຖ້າເຈົ້າກຳລັງຊອກຫາວິທີທີ່ຈະປະສົບຄວາມສຳເລັດທີ່ຍິ່ງໃຫຍ່ທີ່ສຸດໃນໂລກ ເຊິ່ງຕອນນີ້ຮອດເວລາທີ່ຈະເຮັດໃຫ້ເຈົ້າປະສົບກັບຄວາມສຳເລັດທັງການຮຽນ, ການເຮັດວຽກ, ຄອບຄົວ, ເລື່ອງສ່ວນຕົວ ແລະບໍ່ວ່າເຈົ້າຈະແມ່ນໃຜ ຖ້າຫາກຢາກປະສົບຄວາມສຳເລັດ ທີ່ຍິ່ງໃຫຍ່ທີ່ສຸດ ບົດຄວາມນີ້ຈະນຳສະເໜີວິທີທີ່ງ່າຍໆ ທີ່ຈະເຮັດໃຫ້ເຈົ້າປະສົບຄວາມສຳເລັດໃນຊີວິດໄດ້

1. ກຳນົດຄວາມຕ້ອງການ: ເຈົ້າຕ້ອງກຳນົດເປົ້າໝາຍຄວາມຕ້ອງການໃຫ້ອອກມາຊັດເຈນຫຼາຍທີ່ສຸດ, ຕ້ອງການຫຍັງກໍຂຽນອອກມາໃຫ້ໝົດ ແລ້ວກຳນົດໃຫ້ຊັດເຈນຫຼາຍທີ່ສຸດເທົ່າທີ່ເຮັດໄດ້, ຈາກນັ້ນຄົ້ນຫາວິທີທີ່ເຈົ້າຈະໄດ້ ແລະຄອບຄອງໃນສິ່ງທີ່ເຈົ້າຕ້ອງການ ຫຼືເປົ້າໝາຍຂອງເຈົ້ານັ້ນ
2. ວາງເປົ້າໝາຍກ່ອນລົງມືເຮັດ: ເມື່ອໄດ້ເປົ້າໝາຍ ແລະວິທີທີ່ຈະໄປຫາເປົ້າໝາຍແລ້ວ ໃຫ້ເລີ່ມລົງມືວາງແຜນ, ວິທີການ, ຂັ້ນຕອນຕ່າງໆ, ຕ້ອງວາງແຜນໃຫ້ດີທີ່ສຸດ, ລະອຽດທີ່ສຸດ ແລະເປັນໄປໄດ້ຫຼາຍທີ່ສຸດ
3. ລົງມືເຮັດ: ເມື່ອວາງແຜນວິທີການ ແລະຂັ້ນຕອນແລ້ວ ຕ້ອງລົງມືເຮັດທັນທີ
4. ຕ້ອງປະຕິບັດຢ່າງສະໝໍ່າສະເໝີ: ການລົງມືເຮັດຕາມຂັ້ນຕອນທີ່ວາງໄວ້ ຕ້ອງລົງມືເຮັດຕາມຂັ້ນຕອນຢ່າງສະໝໍ່າສະເໝີ
5. ຕ້ອງເຮັດແບບມີລະບຽບ: ດ້ວຍການບັງຄັບຕົວເອງ ໃຫ້ເຮັດທຸກມື້ຕາມວິທີການ ແລະຂັ້ນຕອນທີ່ກຳນົດໄວ້ຢ່າງມີລະບຽບວິໄນ
6. ຕ້ອງມີຄວາມພະຍາຍາມ: ເພາະຄວາມພະຍາຍາມຄື ຫົນທາງທີ່ຈະນຳໄປສູ່ຄວາມສຳເລັດທີ່ເຈົ້າຕັ້ງໃນໄວ້, ດັ່ງນັ້ນຖ້າຕັດສິນເຮັດ ຕ້ອງລົງມືເຮັດ ດ້ວຍຄວາມພະຍາຍາມທີ່ເຂັ້ມຂຸ້ນ ຢ່າທໍ້ຖອຍເດັດຂາດ
7. ຕ້ອງໝັ່ນເຕີມອາຫານໃຫ້ຫົວໃຈ: ໃນລະຫວ່າງທີ່ລົງມືເຮັດ ຕາມວິທີການ ແລະຂັ້ນຕອນທີ່ກຳນົດໄວ້ແລ້ວ ອາດເຮັດໃຫ້ຮູ້ສຶກເມື່ອຍ, ອ່ອນເພຍ ໝົດກຳລັງໃຈ ດັ່ງນັ້ນເຈົ້າຕ້ອງເຕີມພະລັງໃຈໃຫ້ຕົວເອງຢູ່ສະເໝີ ເພື່ອໃຫ້ຕົນເອງເດີນທາງໃຫ້ເຖິງເປົ້າໝາຍຄວາມສຳເລັດທີ່ຕ້ອງການ           ຄວາມສຳເລັດທີ່ຍິ່ງໃຫຍ່ທີ່ສຸດໃນຊີວິດຂອງຄົນເຮົາອາດບໍ່ຄືກັນ, ບາງຄົນຖືເອົາເງິນ, ຊື່ສຽງເປັນຄວາມສຳເລັດ ແຕ່ບາງຄົນກໍຖືເອົາຄວາມຫຼຸດພົ້ນໃຈສະຫງົບສຸກ ເປັນຄວາມສຳເລັດໃນຊີວິດ ແລະບໍ່ວ່າເຈົ້າຈະເບິ່ງຄວາມສຳເລັດໃນແງ່ໃດ, ມຸມໃດ, ວິທີໃດກໍຕາມ ມັນກໍບໍ່ຜິດ ຂໍພຽງມີຄວາມສຸກ ໃນທຸກໆຄວາມສຳເລັດຂອງເຈົ້າ ກໍພງພໍແລ້ວ