spot_img
Homeຂ່າວ​ໄອ​ທີເກັບຕົກ... Nokia ຈັດໜັກເປີດໂຕໂທລະສັບລຸ້ນໃໝ່ເຖິງ 4 ລຸ້ນ ພ້ອມການກັບມາຂອງຕຳນານ Nokia 3310!! ທີ່ງານ MWC 2017

ເກັບຕົກ… Nokia ຈັດໜັກເປີດໂຕໂທລະສັບລຸ້ນໃໝ່ເຖິງ 4 ລຸ້ນ ພ້ອມການກັບມາຂອງຕຳນານ Nokia 3310!! ທີ່ງານ MWC 2017

Published on

ເວົ້າໄດ້ວ່າການກັບມາຂອງອະດີດຍັກໃຫຍ່ໃນເທື່ອນີ້ ຈະຍັງຄົງລອງໆຕະຫຼາດກັນຢູ່ເພາະໄດ້ເປີດໂຕໂທລະສັບມາໃໝ່ເຖິງ 4 ລຸ້ນຄື: Nokia 3, 5, 6 ແລະ ອະດີດຕຳນານແບບ Nokia 3310 ທີ່ງານມະຫາກຳສິນຄ້າໄອທີລະດັບໂລກ ຫຼື Mobile World Congress (MWC) 2017 ທີ່ບາເຊໂລນາ ປະເທດສະເປນ.

ສຳລັບສະມາດໂຟນທັງ 3 ລຸ້ນທີ່ເປີດໂຕມານັ້ນ ສ່ວນໃຫຍ່ແລ້ວສະເປັກຈະຢູ່ປະມານກາງໆ ທີ່ແນ່ໃສ່ຕະຫຼາດລະດັບກາງເປັນຫຼັກນັ້ນເອງ.


ສຳລັບສະເປັກຂອງ Nokia 3 ມີດັ່ງນີ້:


  • ສັດສ່ວນເຄື່ອງ: 143.4 x 71.4 x 8.48 ມມ
  • ໜ້າຈໍ: HD, ຂະໜາດ 5 ນິ້ວ (1280 x 720 ພິກເຊວ) ມາພ້ອມຈໍໂຄ້ງ 2.5D, Corning Gorilla Glass ແລະຄວາມແຈ້ງລະດັບ 450 nits.
  • CPU: Quad-core MediaTek MT6737 1.3GHz 
  • GPU: Mali T720 MP1
  • RAM: 2GBGB 
  • ROM: 16GB ເພີ່ມກາຣ໌ດ microSD ໄດ້ 128GB 
  • ລະບົບ: Android 7.0 (Nougat) 
  • ຊິມ: Dual SIM / Single SIM
  • ກ້ອງຫຼັງ: 8 ລ້ານພິກເຊວ ມາພ້ອມ ແຟລັດ LED, f/2.0 ແລະຂະໜາດພິກເຊວ 1.12um
  • ກ້ອງໜ້າ: 8 ລ້ານພິກເຊວ ມາພ້ອມ f/2.0 ແລະຂະໜາດພິກເຊວ 1.12um 
  • ການເຊື່ອມຕໍ່: 4G LTE, WiFi 802.11 b/g/n, Bluetooth 4.0, GPS
  • ອື່ນໆ: 3.5mm audio jack, FM Radio
  • ແບັດເຕີຣີ: 2650mAh battery

ສຳລັບ Nokia 3 ແມ່ນມາພ້ອມ 4 ສີໃຫ້ເລືອກຄື: Silver White, Matte Black, Tempered Blue ແລະ Copper White. ໂດຍເປີດໂຕມາໃນລາຄາ 139 ຢູໂຣ (1.190.000 ກີບ) ແລະຈະເລີ່ມວາງຂາຍໃນຊ່ວງໄຕມາດທີ 2 ຂອງປີ 2017 ນີ້. 

——————————————-

ສຳລັບສະເປັກຂອງ Nokia 5 ມີດັ່ງນີ້:


  • ໜ້າຈໍ: IPS, HD, ຂະໜາດ 5.2 ນິ້ວ (1280 x 720 ພິກເຊວ) ພ້ອມ Corning Gorilla Glass
  • CPU: Octa-Core Snapdragon 430 1.2 GHz 
  • GPU: Adreno 505
  • RAM: 2GB 
  • ROM: 16GB ເພີ່ມ ກາຣ໌ດ microSD ໄດ້ 128GB
  • ລະບົບ: Android 7.0 (Nougat) 
  • ຊິມ: Dual SIM ແລະ Single SIM
  • ກ້ອງຫຼັງ: 13 ລ້ານພິກເຊວ ພ້ອມແຟລັດຄູ່ໂທນ LED
  • ກ້ອງໜ້າ: 8 ລ້ານພິກເຊວ
  • ເຊັນເຊີ້: ສະແກນລາຍນິ້ວມື
  • ລຳໂພງ: ອອກທາງດຽວ ພ້ອມລະບົບ Dolby Digital
  • ການເຊື່ອມຕໍ່: 4G VoLTE, WiFi 802.11 b/g/n, Bluetooth 4.0, GPS, NFC
  • ແບັດເຕີຣີ: 3000mAh

ສຳລັບ Nokia 5 ມາພ້ອມ 4 ສີໃຫ້ເລືອກ ໂດຍມີຂາຍແຍກທັງລຸ້ນຊິມດຽວ ແລະ ສອງຊິມ ເຊິ່ງມີລາຄາຢູ່ທີ່ 189 ຢູໂຣ (1.615.000 ກີບ) ແລະຈະວາງຂາຍໃນຊ່ວງໄຕມາດທີ 2 ຂອງປີນີ້.  
——————————————-

ສຳລັບສະເປັກຂອງ Nokia 6 ມີດັ່ງນີ້:


  • ສັດສ່ວນເຄື່ອງ: 154 x 75.8 x 7.8 ມມ
  • ໜ້າຈໍ: Full HD, ຂະໜາດ 5.5 ນິ້ວ (1920 x 1080 ພິກເຊວ) ມາພ້ອມຈໍໂຄ້ງ 2.5D, Corning Gorilla Glass 3 ແລະລະດັບຄວາມແຈ້ງທີ່ 450
  • CPU: Octa-Core Qualcomm Snapdragon 430 ( 4 x 1.2 GHz Cortex A53 + 4 x 1.5 GHz Cortex A53) 64-bit
  • GPU: Adreno 505
  • RAM: 3GB / 4GB LPDDR3 
  • ROM: 32GB / 64GB ເພີ່ມກາຣ໌ດ microSD ໄດ້ 128GB 
  • ລະບົບ: Android 7.1.1 (Nougat)
  • ຊິມ: Dual SIM
  • ກ້ອງຫຼັງ: 16 ລ້ານພິກເຊວ ມາພ້ອມແຟລັດຄູ່ໂທນ LED, PDAF, ຂະໜາດເຊັນເຊີ້ 1.0um, f/2.0
  • ກ້ອງໜ້າ: 8 ລ້ານພິກເຊວ ມາພ້ອມ ຂະໜາດເຊັນເຊີ້ 1.12um, f/2.0, ເລນມຸມກວ້າງ 84˚ 
  • ເຊັນເຊີ້: ສະແກນລາຍນິ້ວມື 
  • ການເຊື່ອມຕໍ່: 4G LTE, WiFi 802.11 b/g/n, Bluetooth 4.1, GPS, USB OTG
  • ອື່ນໆ: 3.5mm audio jack, Dual speakers, Dual smart amplifiers (TFA9891), Dolby Atmos
  • ແບັດເຕີຣີ: 3000mAh 

ສຳລັບ Nokia 6 ແມ່ນມີ 4 ສີໃຫ້ເລືອກຄື: Matte Black, Tempered Blue, Silver ແລະ Copper. ໂດຍເປີດໂຕມາໃນລາຄາ 229 ຢູໂຣ (1.950.000 ກີບ). ນອກຈາກນີ້ກໍມີລຸ້ນ Nokia 6 Special Edition ທີ່ເປັນສີ Arte Black ທີ່ມີ RAM 4GB + ROM 64GB ຂາຍໃນລາຄາ 299 ຢູໂຣ (2.555.000 ກີບ). ເຊິ່ງທັງໝົດນີ້ຈະເລີ່ມວາງຂາຍໃນຊ່ວງໄຕມາດທີ 2 ຂອງປີນີ້. 

——————————————-

ສຸດທ້າຍເຮົາມາຮູ້ຈັກກັບຕຳນານໂທລະສັບມືຖືຈາກບໍລິສັດ Nokia ກັນເລີຍນັ້ນກໍຄື: Nokia 3310 ທີ່ເປີດໂຕໃນປີ 2000 ແລະກໍຖືເປັນໂທລະສັບລຸ້ນໜຶ່ງທີ່ມີຄວາມທົນທານສູງ ແລະຂາຍດີໃນຕອນນັ້ນ ເຊິ່ງຍອດຂາຍທີ່ທາງ Nokia ປະກາດອອກມາຄື 126 ລ້ານເຄື່ອງ!! ແລະໃນມື້ນີ້ Nokia ກໍໄດ້ເອົາໂທລະສັບລຸ້ນນີ້ກັບມາເປີດໂຕໃໝ່ອີກຄັ້ງ ໂດຍມີການອອກແບບໃໝ່ໝົດ ເຊິ່ງຍັງຄົງໃຊ້ຊື່ວ່າ: Nokia 3310 ຄືເກົ່າ.

ສຳລັບ Nokia 3310 (2017) ນີ້ໄດ້ມີການອອກແບບ ແລະປັບປຸງໜ້າຕາມາໃໝ່ໝົດ ເປັນຕົ້ນແມ່ນໜ້າຈໍອິນເທີເຟດ ທີ່ມີຂະໜາດຈໍທີ່ 2.4 ນິ້ວ ແລະ ໃຊ້ຈໍແບບ QGVA. ໂຕເຄື່ອງມາພ້ອມ ROM 16MB ສາມາດເພີ່ມກາຣ໌ດ microSD ໄດ້ 32GB, ມາພ້ອມກ້ອງຫຼັງ 2 ລ້ານພິກເຊວ, ແຕ່ສິ່ງທີ່ໜ້າເສຍດາຍທີ່ສຸດກໍຄົງເປັນເລື່ອງທີ່ຮອງຮັບສະເພາະລະບົບ 2G ເທົ່ານັ້ນ.

ໃນເລື່ອງຂອງແບັດເຕີຣີທາງບໍລິສັດກໍເຄລມວ່າສາມາດສະແຕນບາຍໄດ້ເຖິງ 31 ມື້ ແລະໃຊ້ໂທໄດ້ເຖິງ 22 ຊົ່ວໂມງ. ເຊິ່ງສິ່ງທີ່ມາພ້ອມໂຕເຄື່ອງນັ້ນມາພ້ອມເວັບບຣາວເຊີ້ຈາກ Opera ແລະເກມງູສຸດຄລາສສິກທີ່ມີໃນ Nokia 3310 ນັ້ນເອງ. 

ສຳລັບ Nokia 3310 ແມ່ນມີ 4 ສີໃຫ້ເລືອກຄື: Glossy Yellow, Red, Matte Grey and Dark Blue. ສຳລັບຟີເຈີໂຟນລຸ້ນນີ້ຈະມີໃຫ້ເລືອກ 2 ລຸ້ນຄື: ລຸ້ນສຳລັບຊິມດຽວ ແລະລຸ້ນສຳລັບສອງຊິມ ໂດຍເປີດໂຕມາໃນລາຄາ 49 ຢູໂຣ (420.000 ກີບ) ແລະຈະວາງຈຳໜ່າຍໃນຊ່ວງໄຕມາດທີ 2 ຂອງປີນີ້.

ແຫຼ່ງຂ່າວ: 1234

ບົດຄວາມຫຼ້າສຸດ

ປະຊາຊົນຊາວມາເລເຊຍຮວມຕົວກັນຫຼາຍພັນຄົນ ເພື່ອຮຽກຮ້ອງຄວາມຍຸຕິທຳ ໃຫ້ຊາຣາ ທີ່ເສຍຊີວິດຢ່າງປິສະໜາ

#JusticeForZara ແຮັດແທັກ (hastag) ເຕັມສື່ສັງຄົມອອນລາຍໃນປະເທດມາເລເຊຍ ເພື່ອຮຽກຮ້ອງຄວາມຍຸຕິທຳໃຫ້ ຊາຣາ ເດັກຍິງອາຍຸ 13 ປີ ເສຍຊີວິດປິດສະໜາ, ທ່າມກາງຂ່າວລືວ່າ ຊາຣາ ເປັນເຫຍື່ອຈາກການຖືກບູລີ້ ແລະ...

ເສຍຊີວິດເວທີດຽວກັນ! ຂ່າວເສົ້າວົງການມວຍຍີ່ປຸ່ນ ເມື່ອ 2 ນັກຊົກຈາກແດນປາດິບເສຍຊີວິດຫຼັງຂຶ້ນຊົກມວຍ ໝໍເຜີຍເລືອດອອກໃນເຫຍື້ອຫຸ້ມສະໝອງ.

ວົງການມວຍຍີ່ປຸ່ນເສົ້າ! 2 ນັກຊົກມວຍເສຍຊີວິດເວທີດຽວກັນ ຫຼັງໄດ້ຮັບອາການບາດເຈັບ ໝໍເຜີຍເລືອດອອກໃນເຫຍື້ອຫຸ້ມສະໝອງ. ສຳນັກຂ່າວຕ່າງປະເທດລາຍງານເຫດການສຸດສະຫຼົດ ຂອງວົງການມວຍຍີ່ປຸ່ນ ໄດ້ເກີດເຫດການສຸດຊ໋ອກ ຫຼັງຈາກຊິເງໂຕຊິ ນັກຊົກອາຍຸ 28 ປີ ເສຍຊີວິດ ເມື່ອວັນສຸກ 8...

ສ ເກົາຫຼີ ມອບທຶນຈຳນວນ 6 ລ້ານໂດລາ ເພື່ອຂະຫຍາຍ ແລະ ປັບປຸງລະບົບນໍ້າປະປາ ກຳນົດຈັດຕັ້ງປະຕິບັດ 2025-2029

ລັດຖະບານ ສ ເກົາຫຼີສະໜອງທຶນຊ່ວຍເຫຼືອລ້າໂຄງການຂະຫຍາຍ ແລະ ປັບປຸງລະບົບນໍ້າປະປາຫຼັກຊາວ ເມືອງຄຳເກີດ ພິທີເຊັນບົດບັນທຶກການຮ່ວມມືໂຄງການຂະຫຍາຍ ແລະ ປັບປຸງລະບົບນໍ້າປະປາຫຼັກຊາວເມືອງຄຳເກີດ ແຂວງບໍລິຄຳໄຊ ລະຫວ່າງ ກະຊວງໂຍທາທິການ ແລະ ຂົນສົ່ງ (ຍທຂ)...

ຍທຂ ປະກາດແຕ່ງຕັ້ງທ່ານ ເດດສົງຄາມ ທຳມະວົງ ເປັນຮອງລັດຖະມົນຕີກະຊວງ ຍທຂ

ຍທຂ ປະກາດການຈັດຕັ້ງ ພະນັກງານການນຳຂັ້ນສູງ. ເມື່ອບໍ່ດົນມານີ້, ກະຊວງໂຍທາທິການ ແລະ ຂົນສົ່ງ (ຍທຂ) ປະກາດແຕ່ງຕັ້ງທ່ານ ເດດສົງຄາມ ທຳມະວົງ ເປັນຮອງລັດຖະມົນຕີກະຊວງ ຍທຂ ແລະ ຍົກຍ້າຍ...