ຊ່ວງເປັນປະຈຳເດືອນ ເປັນຊ່ວງທີ່ຜູ້ຍິງອ່ອນແອ ແລະຜູ້ຍິງບາງຄົນກໍມີອາການທີ່ແຕກຕ່າງກັນໄປ ບາງຄົນເຈັບທ້ອງ, ບາງຄົນສິວຂຶ້ນ, ຢາກກິນສົ້ມ, ຢາກກິນອາຫານທີ່ມີລົດຊາດສົ້ມ, ໜ້າເອິກໃຫຍ່ ແລະຫງຸດຫງິດງ່າຍ
ໃນຊ່ວງເປັນປະຈຳເດືອນ ພູມຄຸ້ມກັນພະຍາດຕ່າງໆ ຂອງແມ່ຍິງຈະຫຼຸດລົງ ຈຶ່ງເປັນທີ່ມາຂອງຄຳວ່າ ຜູ້ຍິງມີປະຈຳເດືອນ ຫ້າມກິນນໍ້າເຢັນ ຫ້າມກິນໄອສະຄີມ ຫຼືແມ່ນແຕ່ຫ້າມອາບນໍ້າເຢັນ ເພາະໃນຊ່ວງທີ່ຮ່າງກາຍອ່ອນແອຢູ່ແລ້ວ ຈະເຮັດໃຫ້ອຸນຫະພູມໃນຮ່າງກາຍຂອງເຮົາເຢັນລົງກວ່າປົກກະຕິ ແລະເຊື້ອພະຍາດທີ່ມີຢູ່ໃນຮ່າງກາຍຢູ່ແລ້ວ ຫລືມາຈາກສິ່ງແວດລ້ອມອ້ອມຕົວ ຈະສາມາດເຂົ້າມາທຳຮ້າຍສຸຂະພາບຂອງເຈົ້າ ຈົນເຮັດໃຫ້ບໍ່ສະບາຍໄດ້
ວິທີດູແລສຸຂະພາບລະຫວ່າງເປັນປະຈຳເດືອນ
- ນອນຫຼັບໃຫ້ພຽງພໍ
- ອອກກໍາລັງກາຍຕາມປົກກະຕິ
- ກິນອາຫານທີ່ມີປະໂຫຍດ
- ກິນນໍ້າອຸ່ນ ຫຼືນໍ້າດື່ມທໍາມະດາທີ່ບໍ່ເຢັນ ເພື່ອຫຼຸດການປ່ຽນແປງອຸນຫະພູມໃນຮ່າງກາຍຢ່າງວ່ອງໄວ
- ລະມັດລະວັງຄວາມສະອາດຂອງຈຸດຊ່ອນເລັ້ນເປັນພິເສດ ເພາະຊ່ວງເປັນປະຈຳເດືອນ ປາກມົດລູກຈະເປີດຫຼາຍກວ່າເກົ່າ ອາດເຮັດໃຫ້ຕິດເຊື້ອພະຍາດໄດ້ງ່າຍ