ຜັກອີເລີດ ຫາກຮັບປະທານໃນປະລິມານຫຼາຍ ຫຼືຕິດຕໍ່ກັນເປັນເວລາດົນ ແຄວຊຽມທີ່ມີຢູ່ໃນໃບຜັກອີ່ເລີດ ຈະປ່ຽນເປັນແຄວຊຽມອອກຊາເລດ ເຊິ່ງສານຊະນິດນີ້ ເປັນສາເຫດທີ່ເຮັດໃຫ້ເກີດໜິ້ວໃນໝາກໄຂ່ຫຼັງ, ດັ່ງນັ້ນ ຈຶ່ງຄວນດື່ມນໍ້າຫຼາຍ ເພື່ອເຮັດໃຫ້ສານອອກຊາເລດຈາງລົງ ແລະຖືກຂັບອອກມາທາງນໍ້າປັດສະວະ ຫຼືເລືອກກິນອາຫານທີ່ມີໂປຣຕີນສູງ ເພື່ອປ້ອງກັນໂຣກໜິ້ວ ເພື່ອໃຫ້ຮ່າງກາຍໄດ້ຮັບປະໂຫຍດສູງສຸດ ຄວນຮັບປະທານຜັກອີເລີດໃນປະລິມານທີ່ເໝາະສົມ
- ໃບຊ່ວຍຕ້ານອະນຸມູນອິດສະລະຕ່າງໆໄດ້
- ໃບມີລົດຊາດເຜັດຮ້ອນ ຊ່ວຍເຮັດໃຫ້ຈະເລີນອາຫານຫຼາຍຍິ່ງຂຶ້ນ
- ຊ່ວຍບຳລຸງ ແລະຮັກສາສາຍຕາ ຊ່ວຍໃນການເບິ່ງເຫັນ ຊ່ວຍໃຫ້ເບິ່ງເຫັນໃນຕອນກາງຄືນໄດ້ດີ
- ຊ່ວຍຢັບຢັ້ງການຂະຫຍາຍຕົວຂອງເຊວມະເຮັງ
- ຊ່ວຍປິ່ນປົວໂຣກເບົາຫວານ ດ້ວຍການໃຊ້ໃບຜັກນາງເລີດ 7 ຕົ້ນ ເອົາມາລ້າງສະອາດ ເອົາໃສ່ໝໍ້ ແລ້ວໃສ່ນໍ້າໃຫ້ຖ້ວມ ແລ້ວຕົ້ມໃຫ້ຟົດ ແລ້ວປົງພໍອຸ່ນແລ້ວເອົານໍ້າຕົ້ມມາດື່ມເປັນຊາ
- ຊ່ວຍບຳລຸງກະດູກ ແລະແຂ້ວ ຊ່ວຍປ້ອງກັນການເກີດກະດູກຜ່ອຍ
- ຊ່ວຍໃນການຂັບຂີ້ກະເທິບໍລິເວນລຳຄໍ
- ຊ່່ວຍໃນການຂັບຖ່າຍສະດວກ ເພາະມີເສັ້ນໃຍປະລິມານຫຼາຍ
- ຊ່ວຍແກ້ອາການທ້ອງບິດ ດ້ວຍການໃຊ້ຮາກປະມານ 1 ກຳມື ເອົາມາຕົ້ມກັບນໍ້າ 2 ຖ້ວຍແກ້ວ ແລ້ວຕົ້ມຄ້ຽວຈົນເຫຼືອ 1 ຖ້ວຍແກ້ວ ແລ້ວເອົາມາດື່ມ ຄັ້ງລະ 1 ສ່ວນ 4 ຖ້ວຍແກ້ວ
- ຊ່ວຍແກ້ອາການທ້ອງອືດ, ແໜ້ນທ້ອງ ດ້ວຍການໃຊ້ຮາກ 1 ກຳມື ເອົາມາຕົ້ມກັບນໍ້າ 2 ຖ້ວຍແກ້ວ ມາຕົ້ມຄ້ຽວຈົນເຫຼືອ 1 ຖ້ວຍແກ້ວ ແລ້ວດື່ມຄັ້ງລະ 1 ສ່ວນ 4 ຖ້ວຍແກ້ວ
- ຊ່ວຍຂັບລົມໃນລຳໄສ້ ດ້ວຍການໃຊ້ຮາກ 1 ກຳມື ເອົາມາຕົ້ມກັບນໍ້າ 2 ຖ້ວຍແກ້ວ ຕົ້ມຈົນໃຫ້ເຫຼືອ 3 ໃນ 4 ຖ້ວຍແກ້ວ ແລ້ວດື່ມຄັ້ງລະ 1 ສ່ວນ 4 ຖ້ວຍແກ້ວ
- ຮາກຂອງໃບອີເລີດ ເປັນສ່ວນໜຶ່ງໃນການປະສົມຂອງສະໝຸນໄພ ທີ່ຊ່ວຍບຳລຸງທາດ, ບຳລຸງເລືອດ