ສຳນັກຂ່າວເອເອຟພີ ແລະ ຣອຍເຕີລາຍງານວ່າ ໃນງານໂມບາຍ ເວິລດ ຄອງເກຣສ ເຊິ່ງຈັດຂຶ້ນທີ່ນະຄອນຫຼວງ ບາຣເຊໂລນາ ປະເທດສະເປນ ເມື່ອວັນທີ 26 ກຸມພາ 2017 ໂດຍໂນເກຍຈັດງານຖະແຫຼງຂ່າວເປີດໂຕມືຖືຫຼາຍຮຸ່ນ ແລະ ໜຶ່ງໃນນັ້ນຄືມືຖືໃນຕຳນານ “ໂນເກຍ 3310”
ທ່ານ ຣາຈີຟ ສຸຣິ ປະທານບໍລິຫານຂອງ ໂນເກຍ ກ່າວໃນງານຖະແຫຼງຂ່າວເປີດຕົວ ໂນເກຍ 3310 ທີ່ນຳເຂົ້າມາເຮັດຕະຫຼາດໃໝ່ອີກຄັ້ງ ເພາະວ່າ ໂນເກຍ 3310 ຖືເປັນມືຖືທີ່ໄດ້ຮັບຄວາມນິຍົມຫຼາຍທີ່ສຸດໃນປີ 2000 ໂດຍໂນເກຍ 3310 ເວີຊັ່ນໃໝ່ ຈະມີໜ້າຈໍທີ່ໃຫຍ່ຂຶ້ນ ຂະໜາດ 2.4 ນິ້ວ ແລະ ຂາຍໃນລາຄາ 49 ຢູໂຣ ຫຼື ປະມານເກືອບ 500,000 ກີບສາມາດໃຊ້ສົນທະນາໄດ້ເຖິງ 22 ຊົ່ວໂມງ ແລະ ສະແຕນບາຍໄດ້ດົນເຖິງ 1 ເດືອນ, ຟັງເພງໄດ້, ຟັງວິທະຍຸໄດ້ ພ້ອມກັບເກມງູໃນຕຳນານທີ່ຫຼາຍຄົນຄິດຮອດ ທັງນີ້ໂນເກຍຈະວາງຈຳໜ່າຍພ້ອມກັນທົ່ວໂລກໃນກາງປີນີ້