ໃນຕອນນີ້ທີ່ງານ MWC 2017 ຢູ່ Barcelona ຖືວ່າມີຫຼາຍບໍລິສັດກຳລັງກຽມໂຊຜົນງານຂອງຕົນເອງ ແລະມື້ນີ້ທາງບໍລິສັດ BlackBerry ກໍໄດ້ປະກາດເປີດໂຕສະມາດໂຟນລຸ້ນໃໝ່ນາມວ່າ: BlackBerry KEYone ທີ່ກ່ອນໜ້ານີ້ມີລະຫັດວ່າ: “Mercury” ນັ້ນເອງ.
ສຳລັບສະມາດໂຟນລຸ້ນນີ້ຖືວ່າມີຄວາມ Classic ແບບທີ່ໂທລະສັບສະໄໝກ່ອນມີຄື: ແປ້ນພິມ QWERTY ທີ່ມາພ້ອມເຊັນເຊີ້ສະແກນນິ້ວມືຢູ່ປຸ່ມ Spacebar ນັ້ນເອງ. ນອກຈາກນີ້ແລ້ວ BlackBerry KEYone ແມ່ນຖືກອອກແບບໂດຍ BlackBerry ແລະຜະລິດໂດຍ TCL Communication Technology (TCT).
ສຳລັບສະເປັກຂອງ BlackBerry KEYone ມີດັ່ງນີ້:
- ສັດສ່ວນເຄື່ອງ: 149.3 x 72.5 x 9.4 ມມ
- ນ້ຳໜັກ: 180 ກຣາມ
- ໜ້າຈໍ: 4.5 ນິ້ວ (1620 x 1080 ພິກເຊວ) ມີສັດສ່ວນທີ່ 3:2 ພ້ອມ 433 PPI ແລະມາພ້ອມແກ້ວຈໍທີ່ປ້ອງກັນຮອຍຂີດໄດ້ດີ.
- CPU: Octa-Core Snapdragon 625 ຄວາມຖີ່ 2GHz
- GPU: Adreno 506
- RAM: 3GB
- ROM: 32GB ເພີ່ມກາຣ໌ດ microSD ໄດ້ 2TB
- ແປ້ນພິມ: ແບບ QWERTY ມີ 4 ແຖວ ພ້ອມປຸ່ມເຮືອງແສງ
- ລະບົບ: Android 7.1 (Nougat) ພ້ອມລະບົບຮັກສາຄວາມປອດໄພຂອງ BlackBeery
- ກ້ອງຫຼັງ: 12 ລ້ານພິກເຊວ ມາພ້ອມແຟລັດຄູ່ໂທນ LED, ເຊັນເຊີ້ Sony IMX378, ຂະໜາດພິກເຊວ 1.55μm, ຂະໜາດເຊັນເຊີ້ 1/2.3″, f/2.0, PDAF ແລະການບັນວີດີໂອ 4K.
- ກ້ອງໜ້າ: 8 ລ້ານພິກເຊວ ມາພ້ອມ f/2.2 ແລະຂະໜາດພິກເຊວ 1.12µm
- ເຊັນເຊີ້: ສະແກນລາຍນິ້ວມື (ທີ່ປຸ່ມ Spacebar)
- ອື່ນໆ: 3.5mm audio jack, FM Radio, USB 3.1 ແລະ Type-C
- ການເຊື່ອມຕໍ່: 4G LTE, Wi-Fi 802.11 ac (2.4 & 5 GHz), Bluetooth 4.2, GPS / GLONASS, NFC
- ແບັດເຕີຣີ: 3505mAh ພ້ອມລະບັບສາກໄວ Qualcomm Quick Charge 3.0
ສຳລັບ BlackBerry KEYone ແມ່ນມີພຽງສີດຳໃຫ້ເລືອກເທົ່ານັ້ນ ເຊິ່ງມີລາຄາຢູ່ທີ່ $549 (4.450.000 ກີບ) ແລະຈະເລີ່ມຂາຍທົ່ວໂລກຊ່ວງເດືອນເມສານີ້.
ແຫຼ່ງຂ່າວ: fonearena