ສຳນັກຂ່າວ ບີບີຊີ ລາຍງານເມື່ອວັນທີ 24 ກຸມພາ 2017 ວ່າ ຄວາມຄືບໜ້າການສອບສວນຄະດີ ການລອບສັງຫານຄິມ ຈອງນັມ ຢູ່ສະໜາມບິນ ກົວລາລຳເປີ ປະເທດມາເລເຊຍ ເຊິ່ງຕຳຫຼວດມາເລເຊຍໄດ້ເປີດເຜີຍຜົນການຊັນລະສູດສົບວ່າ ພົບສານພິດປະເພດ “VX nerve agent” ເປັນສານທີ່ເຮັດໃຫ້ເກີດປະຕິກິລິຍາເຄມີຕໍ່ລະບົບປະສາດ ເປັນສານທີ່ສະຫະປະຊາຊາດ ຈັດຢູ່ໃນກຸ່ມອາວຸດທຳລາຍລ້າງ ຢູ່ໃນໃບໜ້າຂອງສົບ ຄິມ ຈອງນັມ, ສຳລັບຂໍ້ມູນກ່ຽວກັບສານວີເອັກຊ໌ ດັ່ງນີ້:
- ເປັນທາດແຫຼວແບບນໍ້າມັນ ສີເຫຼືອງເຂັ້ມ ບໍ່ມີລົດ ບໍ່ມີກິ່ນ
- ເປັນທີ່ຮູ້ຈັກວ່າແມ່ນເປັນອາວຸດສົງຄາມເຄມີ ໜຶ່ງຢອດຂອງວີເອັກຊ໌ ທີ່ຖືກຜິວໜັງສາມາດເຮັດໃຫ້ເສຍຊີວິດໄດ້ ແລະທຳລາຍການສົ່ງຜ່ານກະແສປະສາດ
- ພິດຈະຊຶມເຂົ້າຜິວໜັງ ແລະທຳລາຍການສົ່ງຜ່ານຂອງກະແສປະສາດ
- ໃຊ້ໃນສະເປ ຫຼືລະເຫີຍເປັນອາຍ ອາດໃສ່ປົນກັບນໍ້າ ຫຼືອາຫານ ຫຼືຜ່ານຜົນຜະລິດທາງການກະເສດ
- ແຊກຊຶມເຂົ້າສູ່ຮ່າງກາຍໄດ້ທັງການຫາຍໃຈ, ການຍ່ອຍອາຫານ, ຜ່ານຜິວໜັງ ແລະເຂົ້າດວງຕາ
- ເຄື່ອງນຸ່ງທີ່ເປື້ອນສານວີເອັກຊ໌ ທີ່ຖືກພິດນີ້ແລ້ວ ອີກພາຍໃນ 30 ນາທີຈະແພ່ພິດໄປສູ່ຄົນອື່ນໄດ້
- ຫາກພິດຜ່ານການສູດດົມ ຫຼືຍ່ອຍອາຫານ ຫຼືຜ່ານຜິວໜັງ ເຂົ້າສູ່່ຮ່າງກາຍ ຈະເຮັດໃຫ້ເກີດອາການນໍ້າມູກໄຫຼ, ແສບຕາ, ເບິ່ງພາບເບີໆ, ນໍ້າລາຍອອກປາກ, ເຫື່ອອອກຫຼາຍ, ເຈັບໜ້າເອິກ, ຫາຍໃຈຫອບຫືດ, ລາຍຕາ ຫຼືຮາກ
- ທາງເຄມີສານຕົວນີ້ມີຊື່ວ່າ S-2 Diisoprophylaminoethyl methylphosphonothiolate ຖືກຫ້າມໃຊ້ຕາມຂໍ້ຕົກລົງອາວຸດເຄມີ 1993