ໝາກນາວ ເປັນໝາກໄມ້ທີມີລົດຊາດສົ້ມ ທີ່ມີເອນໄຊ ແລະສານອາຫານທີ່ດີ ຕໍ່ສຸຂະພາບ ລະມີການສຶກສາສະແດງໃຫ້ເຫັນວ່າ ເປືອກຂອງມັນມີຄຸນຄ່າທາງໂຄສະນາການຫຼາຍ ເຊິ່ງເສຍດາຍທີ່ບາງຄົນຖິ້ມເປືອກຂອງມັນ ໄດ້ທັງທີ່ບໍ່ຮູ້ປະໂຫຍດຂອງມັນ
- ປ້ອງກັນແບັກທີເລຍ: ນໍ້າມັນໃນເປືອກໝາກນາວ ມີລິດຕ້ານຈຸລິນຊີທີ່ແຂງແຮງ ແລະຊ່ວຍປ້ອງກັນເຊື້ອລາ, ປ້ອງກັນແບັກທີເລຍ ລວມເຖິງໄວຣັດໄດ້
- ມີຄຸນສົມບັດຕ້ານອະນຸມູນອິດສະລະ: ເປືອກຫມາກນາວ ມີສານຕ້ານອະນຸມູນອິດສະລະສູງຫຼາຍ ເຊິ່ງຊ່ວປົກປ້ອງຄວາມເສຍຫາຍຈາກເອເອັນເອ ທີ່ກໍ່ໃຫ້ເກີດເປັນມະເຮັງໄດ້
- ຊ່ວຍຍ່ອຍອາຫານໄດ້ດີ: ເປືອກໝາກນາວ ສາມາດຊ່ວຍຍ່ອຍອາຫານ ເຊິ່ງຊ່ວຍຫຼຸດກາສໃນກະເພາະໄດ້ດີ ເພາະສານໄລໂມນີນ ທີ່ມີຢູ່ໃນເປືອກໝາກນາວ ຊ່ວຍບັນເທົາອາການສຽດສີຂອງທ້ອງ ແລະບັນເທົາອາການກົດໄຫຼກັບ ແລະຫຼຸດການບີບຕົວຂອງທາງເດີນອາຫານ ເຮັດໃຫ້ການເຄື່ອນຕົວຂອງອາຫານສະດວກຍິ່ງຂຶນ
- ຫຼຸດລະດັບຄໍເລດເຕີຣໍ: ເປືອກໝາກນາວ ຊ່ວຍຫຼຸດຄວາມສ່ຽງຂະໂຣກຫົວໃຈ ແລະຊ່ວຍຫຼຸດຄໍເລດເຕີຣໍ ເມື່ອເອົາມາປະສົມກັບອາຫານແລ້ວກິນ
- ປ້ອງກັນໂຣກເບົາຫວານ: ເປືອກໝາກນາວມີສານ ໂພລີເມທອກຊີເລທເທັຕ ເຟລໂວນ ທີ່ຊ່ວຍປ້ອງກັນໂຣກເບົາຫວານ, ຜົນການສຶກສາຍັງພົບວ່າ ສານສະກັດ ຈາກໝາກນາວຊ່ວຍຫຼຸດລະດັບຂອງໄຕຣກລີເຊີໄຣ ແລະຄໍເລດເຕີຣໍ ທີ່ເຮັດໃຫ້ຮ່າງກາຍຜິດປົກກະຕິເຊັ່ນ: ໂຣກຕຸ້ຍເກີນໄປ ແລະໂຣກເບົາຫວານ
ວິທີໃຊ້ເປືອກໝາກນາວ: ດ້ວຍການໃຊ້ເຄື່ອງຂູດ ມາຂູດໝາກນາວເປັນຕ່ອນນ້ອຍໆ ບາງໆ ແລ້ວເອົາໄປປະສົມກັບເຄື່ອງດື່ມ ຫຼື ໂຢເກິດ, ໃສ່ອາຫານທີ່ເຮົາຕ້ອງການ ແລະຍຳສະລັດ ແຕ່ການໃສ່ທຸກຄັ້ງ ຕ້ອງໃຊ້ໝາກນາວທີ່ປອດສານພິດເທົ່ານັ້ນ ເພາະຈະບໍ່ຕ້ອງກັງວົນໃຈວ່າ ຈະໄດ້ຮັບສານພິດຕົກຄ້າງ