ໝາກຫຸ່ງ ເປັນໝາກໄມ້ ເພື່ອສຸຂະພາບ ໂດຍສະເພາະແມ່ນໝາກຫຸ່ງສຸກ ເຊິ່ງສາມາດເປັນຢາລະບາຍອ່ອນໆ ເຮັດໃຫ້ຖ່າຍໄດ້ສະດວກ ແລະຍັງມີວິຕາມິນ ແລະແຮ່ທາດທີ່ມີປະໂຫຍດຕໍ່ຮ່າງກາຍເຊັ່ນ: ວິຕາມິນຊີ, ວິຕາມິນເອ, ວິຕາມິນບີ1, ບີ2, ບີ3, ແຄວຊຽມ, ໂຊດຽມ, ທາດເຫຼັກ ແລະໂປຣຕີນ ທີ່ມີປະໂຫຍດດີຕໍ່ຮ່າງກາຍ
- ມີສານຕ້ານອະນຸມູນອິດສະລະຫຼາຍຊະນິດ ຊ່ວຍໃຫ້ສຸຂະພາບແຂງແຮງ
- ບຳລຸງຜິວໃຫ້ສົດໃສ
- ຊ່ວຍຢັບຢັ້ງການແກ່ກ່ອນໄວ ແລະປ້ອງກັນການເກີດຮອຍຕີນກາ
- ຊ່ວຍເສີມສ້າງພູມຄຸ້ມກັນໃຫ້ແຂງແຮງ
- ມີສ່ວນກະຕຸ້ນໃຫ້ແມ່ລູກອ່ອນມີນໍ້ານົມຫຼາຍຂຶ້ນ
- ຊ່່ວຍບຳລຸງສະໝອງ ແລະລະບົບປະສາດ
- ເປັນຢາລະບາຍອ່ອນໆ, ແກ້ອາການທ້ອງຜູກ ດ້ວຍການກິນໝາກຫຸ່ງສຸກ
- ຊ່ວຍຍ່ອຍອາຫານໄດ້ດີ
- ປ້ອງກັນການເກີດໜິ້ວໃນລະບົບທາງເດີນຂອງນໍ້າປັດສະວະ
- ຊ່ວຍປິ່ນປົວອາການເປັນບວມ ດ້ວຍການເອົາໃບໝາກຫຸ່ງສົດໆ ມາຕຳລະອຽດປະສົມກັບເຫຼົ້າຂາວ ເອົາມາພອກບໍລິເວນເປັນບວມ
- ຊ່ວຍປ້ອງກັນການເກີດອາການຕັບໃຫຍ່ຜິດປົກກະຕິ ຫຼືໂຣກທີ່ກ່ຽວກັບຕັບ
- ຊ່ວຍບຳລຸງຫົວໃຈໃຫ້ແຂງແຮງ
- ມີການວິໄຈພົບວ່າການກິນໝາກຫຸ່ງສຸກຕະຫຼອດ ມີສ່ວນຊ່ວຍໃນການຕ້ານມະເຮັງໄດ້