ພະຍາດນີ້ມີອັນຕະລາຍຫຼາຍຕໍ່ຮ່າງກາຍຂອງມະນຸດເຮົາ ໂດຍສະເພາະແມ່ນຄົນທີ່ຕຸ້ຍ ຈະມີຄວາມສ່ຽງສູງກວ່າຄົນທີ່ຈ່ອຍ, ມື້ນີ້ ລາວໂພສຕ໌ມີວິທີສັງເກດຕົວເອງງ່າຍໆ ມາຝາກທຸກຄົນ
- ເມື່ອຍງ່າຍກວ່າປົກກະຕິ ບໍ່ວ່າຈະຍ່າງຂຶ້ນຂັ້ນໄດ, ຍ່າງອອກກຳລັງກາຍເລັກໜ້ອຍກໍເມື່ອຍ
- ເຈັບຫົວ, ໜ້າມືດ ຄືກັບຈະເປັນລົມ
- ເຈັບຫົວຫຼາຍ ເມື່ອລຸກຂຶ້ນຈາກບ່ອນນອນ
- ໃຈສັ່ນ, ໃຈເຕັ້ນໄວ ປາຍນິ້ວມື ປາຍນິ້ວຕີນເຢັນ
- ແໜ້ນໜ້າເອິກ, ເຈັບເອິກ ຄືກັບມີຫຍັງມາເຕັງຢູ່
ລັກສະນະອາການທົ່ວໄປຄ້າຍກັບໂລກຫົວໃຈ ທີ່ເກີດຈາກກ້າມເນື້ອຫົວໃຈຕີບ ເພາະມີເລືອດໄຫຼວຽນໃນຫົວໃຈ່ພຽງພໍ ເລືອດຈຶ່ງບໍ່ສາມາດໄປຫຼໍ່ລ້ຽງຮ່າງກາຍໄດ້ ແລະເຮັດໃຫ້ເຮົາມີອາການອ່ອນເພຍ ເມື່ອຍງ່າຍ ແລະປັດໄຈສ່ຽງຂອງການເປັນພະຍາດໄຂມັນອຸດຕັນໃນເສັ້ນເລືອດນີ້ມີຄື:
- ນໍ້າໜັກຫຼາຍເກີນໄປ ເປັນຄົນຕຸ້ຍ
- ກິນອາຫານທີ່ມີໄຂມັນທີ່ບໍ່ດີຕໍ່ກັບຮ່າງກາຍເປັນຈຳນວນຫຼາຍເກີນໄປ ແລະບໍ່ມັກກິນຜັກ
- ຂາດການອອກກຳລັງກາຍສະໝໍ່າສະເໝີ
- ອາຍຸຫຼາຍ ແລະເພດຊາຍມີໂອກາດສ່ຽງຫຼາຍກວ່າຜູ້ຍິງ
- ມີຄົນໃນຄອບຄົວເຄີຍເປັນພະຍາດກ່ຽວກັບເສັ້ນເລືອດແຕກ ຫຼືເບົາຫວານ
- ມັກສູບຢາ ແລະດື່ມແອວກໍຮໍ
- ມີພາວະຕຶງຄຽດຈາກການເຮັດວຽກ ແລະເລື່ອງອື່ນໆ