ຫົວຫອມບົ່ວໃຫຍ່ ມີປະໂຫຍດຫຼາຍຕໍ່ຮ່າງກາຍຂອງຄົນເຮົາ ແລະມີສັບພະຄຸນໃນການຊ່ວຍຕ້ານພະຍາດ ທັງຊ່ວຍປົກປ້ອງ ແລະປິ່ນປົວພະຍາດຮ້າຍແຮງຕ່າງໆໄດ້ຫຼາຍຊະນິດ ເຊິ່ງພົບໄດ້ວ່າຫົວຫອມບົ່ວໃຫຍ່ອຸດົມດ້ວຍວິຕາມິນ ແຮ່ທາດ ແລະສານອາຫານທີ່ມີປະໂຫຍດຕໍ່ຮ່າງກາຍຂອງເຮົາ
- ຊ່ວຍຫຼຸດການອຸດຕັນໄຂມັນໃນເສັ້ນເລືອດ
- ຫຼຸດຄໍເລດເຕີຣໍໃນເສັ້ນເລືອດ
- ຊ່ວຍເພີ່ມຄໍເລດເຕີຣໍຊະນິດທີ່ດີມີປະໂຫຍດກັບຮ່າງກາຍ
- ຊ່ວຍເຮັດໜ້າທີ່ປ້ອງກັນພະຍາດຫຼອດເລືອດຫົວໃຈອຸດຕັນ
- ຊ່ວຍຢັບຢັ້ງການກໍ່ຕົວຂອງເຊວມະເຮັງ
- ເອົາຫົວຫອມບົ່ວປະສົມກັບເຫຼົ້າໜ້ອຍໜຶ່ງ ແລ້ວຕຳພອກຫຼຸດການອັກເສບອາການບວມໄດ້
- ຫຼຸດການທ້ອງອືດ, ຊ່ວຍຂັບແມ່ທ້ອງ
- ຊ່ວຍຂັບຂີ້ກະເທິ ແລະຫຼຸດອາການເຈັບປວດການອັກເສບ
- ເຮັດໃຫ້ຮູ້ສຶກຜ່ອນຄາຍ ແລະເຮັດໃຫ້ຢາກນອນ
- ມີລິດຂ້າເຊື້ອພະຍາດ ແລະເຮັດໃຫ້ໄຂ້ຫວັດດີໄວຂຶ້ນ
- ຊ່ວຍໃຫ້ນອນຫຼັບດີ ແລະປ້ອງກັນພະຍາດຄວາມດັນເລືອດສູງ
ເມື່ອເຮົາຮູ້ສັບພະຄຸນແບບນີ້ແລ້ວ ເວລາເຮັດອາຫານກໍຢ່າລືມໃສ່ຫົວຫອມບົ່ວໃຫຍ່ປະກອບນຳ ຈະເຮັດໃຫ້ອາຫານແຊບ ມີປະໂຫຍດຕໍ່ສຸຂະພາບອີກດ້ວຍ