ສຳນັກຂ່າວເອເອຟຟີລາຍງານ ເມື່ອວັນທີ 20 ກຸມພາ 2017 ຜ່ານມາວ່າ ອົງການຢູນີເຊບ ຫຼື UNICEF ໄດ້ເຜີຍວ່າ ເດັກນ້ອຍ ໃນ 4 ປະເທດເຊັ່ນ: ໄນຈີເຣຍ, ໂຊມາເລຍ, ຊູດານໃຕ້ ແລະເຢເມນ ເກືອບ 1.4 ລ້ານຄົນ ໄດ້ຮັບຄວາມທຸກທໍລະມານ ຈາກພາວະຂາດແຄນສານອາຫານຢ່າງຮຸນແຮງ ອາດເສຍຊີວິດລົງໃນປີນີ້ຍ້ອນຄວາມອຶດຫິວ
ຢູ່ໃນເຢເມນ ທີ່ສົງຄາມດຳເນີນໄປຢ່າງຮຸນແຮງເປັນເວລາເກືອບ 2 ປີ ມີເດັກນ້ອຍ 462,000 ຄົນ ທີ່ໄດ້ຮັບຄວາມທຸກທໍລະມານ ຈາກພາວະຂາດແຄນສານອາຫານ, ເຊິ່ງໃນຂະນະທີ່ມີເດັກນ້ອຍປະມານ 450,000 ຄົນ ຂາດສານອາຫານໃນພາກຕາເວັນອອກສ່ຽງເໜືອຂອງໄນຈີເຣຍ
ຟິວເນັດ ອົງການເຕືອນໄພ ດ້ານການຂາດແຄນສານອາຫານ ບອກວ່າ ພື້ນທີ່ຫ່າງໄກໃນລັດບໍຣ໌ໂນຂອງໄນຈີເຣຍ ໄດ້ ນັບຕັ້ງແຕ່ທ້າຍປີກາຍ ແລະໄພພິບັດນີ້ ມີແນວໂນ້ມວ່າ ຈະດຳເນີນຕໍ່ໄປ ຍ້ອນອົງການຊ່ວຍເຫຼືອບັນເທົາທຸກ ຍັງບໍ່ສາມາດເຂົ້າໄປພື້ນທີ່ໄດ້
ນອກຈາກນີ້ ໄພແຫ້ງແລ້ງຢູ່ ໂຊມາເລຍ ສົ່ງຜົນໃຫ້ເດັກນ້ອຍ 185.000 ຄົນ ຕົກຢູ່ໃນຄວາມສ່ຽງທີ່ຈະອົດຢາກ, ແຕ່ຄາດວ່າຕົກເລກອາດເພີ່ມເປັນ 270,000 ຄົນໃນອີກບໍ່ພໍເທົ່າໃດເດືອນຕໍ່ໜ້ານີ້, ສ່ວນຢູ່ ຊູດານໃຕ້ ມີເດັກນ້ອຍຫຼາຍກວ່າ 270,000 ຄົນທີ່ຂາດສານອາຫານ ແລະຫາກໍ່ມີການປະກາດພາວະຂາດແຄນອາຫານໃນຫຼາຍພື້ນທີ່ຂອງລັດຢູນິຕີ້ ທາງພາກເໜືອທີ່ມີເດັກອາໄສຢູ່ປະມານ 20,000 ຄົນ