ເວັບໄຊຂ່າວປະເທດຈີນລາຍງານ ເມື່ອວັນທີ 18 ກຸມພາ 2017 ຜ່ານມາວ່າ ຈີນໄດ້ເປີດໃຫ້ນັກທ່ອງທ່ຽວເຂົ້າໄປທ່ຽວຊົມຂົວຫີນບູຮານກ້ອງນໍ້າທະເລສາບຜໍຢາງ ຢູ່ເມືອງໜານຊາງ ມົນທົນຈຽງຊີ ເຊິ່ງເປັນທະເລສາບນໍ້າຈືດທີ່ໃຫຍ່ທີ່ສຸດໃນປະເທດຈີນ ໄດ້ບູລະນະສ້ອມແປງສຳເລັດ ຫຼັງຈາກລະດັບນໍ້າໃນທະເລສາບຫຼຸດລົງຈົນເຫັນຂົວ
ຂົວຫີນບູຮານໃຕ້ນໍ້ານີ້ ຖືກສ້າງຂຶ້ນໃນສະໄໝລາຊະວົງໝິງ ມີອາຍຸຫຼາຍກວ່າ 400 ປີ ມີຄວາມຍາວ 2,657.2 ແມັດ ເຊິ່ງຖືເປັນຂົວຫີນກາງທະເລສາບທີ່ຍາວທີ່ສຸດໃນປະເທດຈີນ ທີ່ສ້າງຈາກຫີນແກຣນິດ ແລະໄມ້ສົນ ແລະຖືກເອີ້ນວ່າ ຂົວຊຽນຢຽນສຽວ ເປັນ 1 ໃນຂົວຫີນ 1,000 ແຫ່ງ ທີ່ຖືກສ້າງຂຶ້ນໃນສະໄໝລາຊະວົງໝິງ