ເຫັດຫູໜູ ມີສັບພະຄຸນໃນການປິ່ນປົວພະຍາດທີ່ຮ້າຍແຮງ ແລະເປັນອັນຕະລາຍຕໍ່ຄົນໃນຍຸກປັດຈຸບັນນີ້ໄດ້ດີເຊັ່ນ ຊ່ວຍຫຼຸດພາວະການແຂງຕົວຂອງເລືອດ ເຊິ່ງເປັນສາເຫດຂອງການເປັນອຳມະພາດ, ພະຍາດຫຼອດເລືອດໃນສະໝອງແຕກ, ພະຍາດຫຼອດເລືອດຫົວໃຈຕີບ ຫຼືພະຍາດຫົວໃຈ, ລວມເຖິງພະຍາດມະເຮັງ, ພະຍາດຄວາມດັນເລືອດສູງເປັນຕົ້ນ
- ເຫັດຫູໜູ ມີສານສຳຄັນຊື່ວ່າ ອະດີໂນຊີນ ທີ່ຊ່ວຍຫຼຸດຄວາມໜຽວຂອງເລືອດ ເຮັດໃຫ້ເລືອດບໍ່ອຸດຕັນຫົວໃຈ, ສະໝອງ ແລະອະໄວຍະວະອື່ນໆ
- ຊ່ວຍໃຫ້ຮ່າງກາຍມີກໍາລັງ ເຮັດໃຫ້ຮ່າງກາຍທີ່ອ່ອນເພຍ ກັບມາມີກໍາລັງ ບໍ່ອິດເມື່ອຍ
- ຊ່ວຍຫຼຸດຄວາມຕຶງຄຽດຂອງຮ່າງກາຍ ສົ່ງຜົນໃຫ້ຮ່າງກາຍສົດຊື່ນ ເຮັດໃຫ້ຜິວສົດໃສ
- ແກ້ອາການໄອແຫ້ງໆ ຫຼືມີຂີ້ກະເທິປົນເລືອດ, ບັນເທົາອາການເຈັບຄໍ ແກ້ຮ້ອນໃນ ລວມທັງແກ້ອາການໄອເປັນເລືອດ ແລະແກ້ເລືອດດັງໄຫຼ
- ຊ່ວຍຫຼຸດຄວາມດັນເລືອດສູງ, ບຳລຸງເລືອດ ປິ່ນປົວພະຍາດເລືອດຈາງ ເຮັດໃຫ້ເລືອດໄຫຼວຽນສະດວກ
- ເຮັດໃຫ້ລະບົບຂັບຖ່າຍດີຂຶ້ນ ແກ້ອາການທ້ອງຜູກ ປ້ອງກັນພະຍາດລິດສີດວງທະວານ ສາມາດຂັບສິ່ງເສດເຫຼືອໃນລຳໄສ້ໄດ້ດີ
- ແກ້ອາການປະຈໍາເດືອນມາຫຼາຍ ຫຼືມາບໍ່ປົກກະຕິ ລວມທັງປິ່ນປົວອາການລົງຂາວຜິດປົກກະຕິຂອງຜູ້ຍິງ
- ຊ່ວຍດູແລ ແລະບໍາລຸງອະໄວຍະວະຕ່າງໆໃນຮ່າງກາຍ
- ເປັນແຫຼ່ງຂອງວິຕາມິນຕ່າງໆ ໂດຍສະເພາະວິຕາມິນບີ ເຊິ່ງມີລິດໃນການຕໍ່ຕ້ານອະນຸມູນອິດສະລະ ຊ່ວຍປ້ອງກັນ ແລະຢັບຢັ້ງບໍ່ໃຫ້ເຊວຜິດປົກກະຕິຈົນກາຍເປັນມະເຮັງ
- ອຸດົມດ້ວຍແຄວຊຽມ ຈຶ່ງຊ່ວຍບໍາລຸງກະດູກ ແລະແຂ້ວໃຫ້ແຂງແຮງ