ໃນຄໍລຳສຸຂະພາບມື້ນີ້ ແອັດມີປະສົບການທ່ານໜຶ່ງທີ່ເມື່ອກ່ອນລາວເປັນຄົນທີ່ມັກມີອາການແພ້ແຮງ, ແພ້ລົມ, ແພ້ອາກາດ, ແພ້ຝຸ່ນ ແພ້ແບບວ່າຕື່ນເຊົ້າມາລ້າງໜ້ານີ້ບໍ່ໄດ້ເລີຍ ພໍແຕ່ລ້າງຫນ້າກໍ່ຈະຈາມຈົນດັງແດງ ນ້ຳຕາໄຫລປານນັ້ນພຸ້ນລະ ກິນຢາໃສ່ກໍ່ພໍບັນເທົາເທົ່ານັ້ນ ດັ່ງນັ້ນລາວຈິ່ງຄິດປ່ຽນພຶດຕິກຳການດຳລົງຊີວິດແບບໃໝ່ ເລີ່ມຕົ້ນການການກິນ, ທີ່ຢູ່ອາໃສ… ເຊິ່ງຈະເຮັດແບບໃດນັ້ນເຮົາມາຮູ້ຈັກນຳກັນເລີຍ
- ດື່ມນ້ຳຫຼາຍຂຶ້ນ: ຈາກເມື່ອກ່ອນເປັນຄົນບໍ່ມັກດື່ມນ້ຳ ແລະ ກໍ່ປ່ຽນມາດື່ມທຸກໆ 10 ນາທີ ດື່ມເທື່ອລະໜ້ອຍ ພໍດົນໆໄປອາການຈາມກໍ່ຄ່ອຍໆດີຂຶ້ນ
- ເຮັດຄວາມສະອາດຮູດັງອາທິດລະ 2-3 ເທື່ອ ເພື່ອກຳຈັດເຊື້ອແບັດທີເຣຍ
- ເຮັດຄວາມສະອາດເຮືອນຊານບ່ອນກິນ, ບ່ອນນອນໃຫ້ສະອາດຢູ່ສະເໝີ ເຮັດອາທິດລະ 3 ເທື່ອ
- ໝັ່ນລ້າງໝັ່ນເຊັດແອ ຫຼື ພັດລົມເປັນປະຈຳ ເພື່ອບໍ່ໃຫ້ມີຂີ້ຝຸ່ນຫຼາຍ
- ກິນຜັກຫຼາຍກວ່າກິນຊີ້ນ ຄື ອາຫານຕ້ອງມີຜັກໃຫ້ກິນທຸກຄາບ ແລະ ຕອນອາຫານຄ່ຳກໍ່ງົດກິນຊີ້ນ
ພຽງໃຊ້ເວລາເຮັດແບບນີ້ທຸກໆມື້ ຜ່ານໄປ 3 ເດືອນອາການແພ້ກໍ່ດີຂຶ້ນກວ່າເມື່ອກ່ອນທີ່ເຄີຍຮັກສາອາການແບບນີ້ມາຫຼາຍປີ ຫາກໃຜມີອາການພູມແພ່ແບບນີ້ກໍ່ສາມາດນຳວິທີດັ່ງກ່າວນີ້ໄປໃຊ້ໄດ້.