ສຳນັກຂ່າວຕ່າງປະເທດລາຍງານເມື່ອວັນທີ 19 ກຸມພາ 2017 ຜ່ານມາວ່າ ທາງການຈີນຢຸດການນຳເຂົ້າຖ່ານຫີນຈາກເກົາເໜືອ ເຊິ່ງເລີ່ມໃນວັນທີ 19 ກຸມພາຜ່ານມານີ້ ລາຍງານຈາກກະຊວງພານິດ ຂອງປະເທດໄດ້ປະກາດຜ່ານເວັບໄຊ ເມື່ອວັນເສົາຜ່ານມາ ເຊິ່ງເປັນສ່ວນໜຶ່ງຂອງມາດຕະການຂວໍ້າບາດ ເຊິ່ງສະຫະປະຊາຊາດ ຕ້ອງການຕ້ານການທົດລອງອາວຸດຂອງເກົາຫຼີເໜືອ ເຊິ່ງຄຳປະກາດການຢຸດນຳເຂົ້ານີ້ ມີຜົນຈົນເຖິງທ້າຍປີ ຄືວັນທີ 31 ທັນວາ 2017
ການປະກາດລະງັບການນຳເຂົ້າມີຂຶ້ນເມື່ອບໍ່ດົນມານີ້ ຫຼັງທາງການເກົາຫຼີເໜືອເຮັດການທົດລອງຂີປະນາວຸດ ເຊິ່ງເປັນການທົດລອງຂີປະນາວຸດຄັ້ງທຳອິດ ຫຼັງຈາກໂດນັນ ທຣັມ ຂຶ້ນດຳລົງຕຳແໜ່ງເປັນປະທານາທິບໍດີຂອງສະຫະລັດ
ເມື່ອເດືອນເມສາ ປີ 2016 ຜ່ານມາ ທາງການຈີນເຄີຍອອກມາປະກາດວ່າ ຈະຢຸດການນໍາເຂົ້າສິນຄ້າຈາກເກົາຫຼີເໜືອ ຕາມນະໂຍບາຍຂອງສະຫະປະຊາຊາດ ຫາກເກົາຫຼີເໜືອຍັງດື້ຈະທົດສອບອາວຸດຕໍ່ໄປ, ທາງຫຼາຍຝ່າຍເຊື່ອວ່າປະທານາທິບໍດີຂອງຈີນ ກໍບໍ່ພໍໃຈກັບພຶດຕິກຳຂອງຜູ້ນຳເກົາຫຼີເໜືອຫຼາຍຂຶ້ນ ໃນຊ່ວງຫຼັງຜ່ານມານີ້
ທາງເກົາຫຼີເໜືອ ຖືໄດ້ວ່າເປັນຜູ້ຈັດສົ່ງຖ່ານຫີນໃຫ້ແກ່ຈີນ ດ້ວຍປະລິມານຫຼາຍທີ່ສຸດ ເປັນອັນດັບທີ 4 ຈາກການສຳຫຼວດເມື່ອປີ 2016 ເຊິ່ງເປັນຖ່ານຫີນຈໍານວນ 22.48 ລ້ານໂຕນ ເພີ່ມຂຶ້ນຈາກປີ 2015 ເປັນ 14.5% ແລະຫາກລວມຖ່ານຫີນປະເພດຂໍ້ມູນ ເມື່ອປີຜ່ານມາສະແດງໃຫ້ເຫັນວ່າ ເກົາຫຼີເໜືອໄດ້ຈັດ ສົ່ງຖ່ານຫີນໃຫ້ແກ່ຈີນຫຼາຍຂຶ້ 12% ສໍາລັບຖ່ານຫີນ ເປັນສິນຄ້າສົ່ງອອກສໍາຄັນຂະໜາດໃຫຍ່ຂອງປະເທດ ແລະຈີນກໍເຊື່ອກັນວ່າເປັນພຽງປະເທດດຽວ ທີ່ຮັບຊື້ຈາກປະເທດເກົາຫຼີເໜືອ