ຫຼາຍຄົນມັກມີອາການເຈັບປວດທີ່ຝາຕີນ ເຊິ່ງອາການແບບນີ້ເຂົາເອີ້ນວ່າ “ເສັ້ນເອັນຝາຕີນອັກເສບ” ເຊິ່ງສາເຫດທີ່ເຮັດໃຫ້ປວດຝາຕີນມັກເກີດຂຶ້ນຍ້ອນ ມີການເຄື່ອນໄຫວຍ່າງຫຼາຍເກີນໄປ, ຄົນທີ່ມີນ້ຳໜັຫຕົວເພີ່ມຂຶ້ນ, ການຢືນຢູ່ກັບທີ່ດົນໆ.
ວິທີປ້ອງກັນເສັ້ນເອັນຂອງຝາຕີນອັກເສບ ຫຼື ການຫຼຸດຄວາມປວດທີ່ສົ້ນຕີນແມ່ນເຮັດໄດ້ດັ່ງນີ້:
- ຖ້າຫາກວ່າຢືນເປັນເວລາດົນກ່ອນຈະເຄື່ອນຕົວຍ່າງແມ່ນໃຫ້ເໜັງຕີງຕີນກ່ອນເລັກໜ້ອຍເພື່ອເປັນການອຸ່ນເຄື່ອງໃຫ້ເສັ້ນເອັນຢືດກ່ອນແລ້ວຈິ່ງຍ່າງ
- ຮັກສານ້ຳໜັກຕົວຢ່າໃຫ້ຕົນເອງຕຸ້ຍຫຼາຍ ເພາະຈະເຮັດໃຫ້ຂາຮັບນ້ຳໜັກຫຼາຍຂຶ້ນ ແລະ ສົ່ງຜົນໃຫ້ເຈັບເສັ້ນເອັນຢູ່ບໍລິເວນຝາຕີນໄດ້ງ່າຍ
- ຄວນເລືອກເກີບທີ່ໃສ່ແລ້ວຮູ້ສຶກອ່ອນນຸ້ມເບົາສະບາຍຕີນ ເພື່ອຫຼຸດຜ່ອນການອັກເສບຂອງເສັ້ນເອັນບໍລິເວນຕີນ
- ອອກກຳລັງກາຍໃຫ້ຕີນດ້ວຍການເໜັງຕີງຢຽດຕີນຂຶ້ນລົງໄປມາຄ່ອຍໆເຮັດກ່ອນນອນທຸກມື້ ເພື່ອຊ່ວຍຢືດຂໍ້ຕໍ່, ເສັ້ນເອັນ ແລະ ກ້າມເນືື້ອຂາ, ຕີນຂອງທ່ານ