ໃນຕອນເຊົ້າຂອງວັນທີ 14 ກຸມພາ 2017 ຜ່ານມາ ທີ່ທຳນຽບປະທານປະເທດ ທ່ານ ບຸນຍັງ ວໍລະຈິດ ປະທານປະເທດ ໄດ້ຕ້ອນຮັບທູດ ປະເທດເພື່ອນມິດ ເຂົ້າຍື່ນສານ ຕາຕັ້ງ ເພື່ອດຳລົງຕຳແໜ່ງເປັນທູດຄົນໃໝ່ ປະຈຳ ສປປ ລາວ  ຕາມລຳດັບດັ່ງນີ້:

• ໃນເວລາ 9:00 ໂມງ ປະທານປະເທດ ຕ້ອນຮັບທ່ານ ນາງ ມາເຣຍ ນາຕາເຣຍ ກຸດເຕີເຣສ ວີກັສ ກາຣາສກາລາວ (Ms. Maria Natalia Guterres Viegas Carascalao) ເອກອັກຄະລັດຖະທູດ ສາທາລະນະລັດ ປະຊາທິປະໄຕ ຕີມໍເລັສເຕຊຶ່ງມີສຳນັກງານຕັ້ງຢູ່ນະຄອນ ຫຼວງວຽງຈັນ.
• 
• ໃນເວລາ 9 ໂມງ 45 ນາທີ ປະທານປະເທດ ຕ້ອນຮັບທ່ານ ວາລາດີ ເມຍ ເອ.ໂກ ຊິນ (Mr.Vladimir A.Coshin) ເອກອັກຄະລັດຖະທູດ ສາທາລະນະລັດ ເບລາ ຣຸດ ຊຶ່ງມີສຳນັກງານຕັ້ງຢູ່ຮ່າ ໂນ້ຍ ສສ ຫວຽດນາມ
• ໃນເວລາ 10 ໂມງ 30 ນາທີ ປະທານປະເທດ ຕ້ອນຮັບທ່ານ ດັດລີ ເມັກ ຄິນລີ ໂທມັດ (Mr. Dudley Mckinley Thomas) ເອກອັກຄະລັດຖະທູດ ສາທາລະນະລັດ ລີເບີເຣຍ ຊຶ່ງມີສຳນັກງານຕັ້ງຢູ່ປັກກິ່ງ ສປ ຈີນ.
• ເວລາ 11 ໂມງ 15 ນາທີ ປະທານປະເທດ ຕ້ອນຮັບທ່ານ ຟີລິບເປ ຄຣີ ແດນ ກາ (Mr. PhiliPPe Kridelka) ເອກອັກຄະລັດຖະທູດ ແຫ່ງ ລາຊະອານາຈັກແບນຊິກ ຊຶ່ງມີສຳນັກງານຕັ້ງຢູ່ບາງກອກ ປະເທດໄທ.     ໃນໂອກາດ ດັ່ງກ່າວ, ທ່ານປະທານປະເທດ ເຮົາໄດ້ກ່າວ ສະແດງຄວາມຕ້ອນຮັບ ແລະ ຊົມເຊີຍຕໍ່ບັນດາທ່ານ ທູດປະເທດເພື່ອນມິດທີ່ໄດ້ຖືກແຕ່ງຕັ້ງໃຫ້ມາດຳລົງຕຳແໜ່ງ ເປັນທູດຄົນໃໝ່ ປະຈຳ ສປປ ລາວ ທັງນີ້ກໍເພື່ອ ເປັນການສືບ ຕໍ່ຮັດແໜ້ນການພົວພັນຮ່ວມມື ທີ່ດີ ລະຫວ່າງ ສປປ ລາວ ແລະ ບັນດາປະເທດເພື່ອນມິດໃຫ້ ນັບມື້ແໜ້ນແຟ້ນຍິ່ງໆຂຶ້ນ.
• ຕໍ່ມາໃນເວລາ 11 ໂມງ 45 ນາທີ ທ່ານປະທານປະເທດ ເຮົາກໍໄດ້ ມອບສານແຕ່ງຕັ້ງໃຫ້ທ່ານ ສີວຽງເພັດ ເພັດວໍລະສັກ ເພື່ອ ໄປດຳລົງຕຳແໜ່ງເປັນເອກອັກ ຄະລັດຖະທູດ ສປປ ລາວ ປະ ຈຳປະເທດ ຣັດເຊຍ

ແຫຼ່ງຂ່າວ: ໜັງສືພິມ ປະຊາຊົນ

ພາບ: ສຳນັກຂ່າວສານປະເທດລາວ