ອີງຕາມການລາຍງານຂອງສຳນັກຂ່າວຕ່າງປະເທດວ່າ ໄຕ້ຫວັນຢືນຢັນວ່າ ພົບການລະບາດຂອງເຊື້ອໄວຣັດໄຂ້ຫວັດສັດປີກສາຍພັນ H5N6 ໃນ 3 ເມືອງເຊັ່ນ: ເມືອງໄຖໜານ, ເມືອງເຈຍອື້ ແລະເມືອງຮົວຫຼຽນ
ນັບຕັ້ງແຕ່ປີ 2016 ຜ່ານມາ ໄຕ້ຫວັນ ຂ້າສັດປີກໄປແລ້ວເກືອບ 130,000 ໂຕ ໃນຈຳນວນນີ້ສ່ວນຫຼາຍແມ່ນຜົນກະທົບຈາກ ໄຂ້ຫວັດສັດປີກ ສາຍພັນ H5N2 ແລະ ສາຍພັນ H5N8
ທ່ານ ຫວງ ຈື ຊຸງ ຜູ້ອຳນວຍການສຳນັກງານກວດສອບພືດ ແລະສັດ ບອກວ່າ ມີຄວາມກັງວົນຫຼາຍກ່ຽວກັບການລະບາດຂອງໄຂ້ຫວັດສັດປີກສາຍພັນ H5N6 ຫຼາຍ ເຖິງແມ່ນວ່າຈະບໍ່ຖ່າຍທອດຈາກສັດປີກສູ່ມະນຸດ ແຕ່ອາດສົ່ງຜົນກະທົບຄ້າຍຄືກັບເກົາຫຼີໃຕ້ ທີ່ຕ້ອງໄດ້ຂ້າສັດປີກຈຳນວນຫຼາຍໃນຊ່ວງເວລາ 3 ເດືອນ ແລະສ້າງຄວາມເສຍຫາຍຕໍ່ເສດຖະກິດຈຳນວນມະຫາສານ