ສຳນັກຂ່າວເອເອຟຟີລາຍງານເມື່ອວັນທີ 13 ກຸມພາ 2017 ຜ່ານມາວ່າ ໄດ້ເກີດເຫດລະເບີດຢູ່ບໍລິເວນມອລໂຣດ ເຊິ່ງເປັນເສັ້ນທາງສຳຄັນຂອງເມືອງລະຮໍ ເມືອງເອກຂອງແຄວ້ນປັນຈາບ ປະເທດປະກິສະຖານ ເຊິ່ງເກີດເຫດຂະນະມີກຸ່ມນັກເຄມີຈຳນວນຫຼາຍຮ້ອຍຄົນ ຊຸມນຸມປະທ້ວງກົດໝາຍໃໝ່ ຢູ່ໃກ້ກັບອາຄານລັດຖະສະພາ ຂອງແຄວ້ນປັນຈາບ ເຊິ່ງເບື້ອງຕົ້ນມີການລາຍງານວ່າ ແຮງລະເບີດທີ່ເກີດຂຶ້ນສົ່ງຜົນເຮັດໃຫ້ມີຜູ້ເສຍຊີວິດຢ່າງໜ້ອຍ 10 ຄົນ ບາດເຈັບອີກ 60 ກວ່າຄົນ
ຫຼັງຈາກເກີດເຫດ ສ້າງຄວາມຕື່ນຕົກໃຈ ໃຫ້ກັບຜູ້ທີ່ຢູ່ໃນພື້ນທີ່ດັ່ງກ່າວ ໃຫ້ໜີເອົາຊີວິດລອດ ເຈົ້າໜ້າທີ່ໄດ້ນຳກຳລັງເຂົ້າປິດພື້ນທີ່ເກີດເຫດ ທ່າມກາງຄວາມຢ້ານກົວອາດເກີດລະເບີດໂຈມຕີອີກຄັ້ງ ໃນຂະນະທີ່ເຈົ້າໜ້າທີ່ກູ້ໄພກຳລັງມາຊ່ວຍເຫຼືອຜູ້ປະສົບເຫດ ແລະນຳສົ່ງຜູ້ທີ່ຮັບບາດເຈັບໄປໂຮງໝໍ