ພາຍຫຼັງທີ່ເຈົ້າໜ້າທີ່ໄດ້ກວດພົບຊີ້ນສ່ວນສັດ ຢູ່ລົດໂດຍສານປະຈຳທາງເລກທີ 9 ເຊໂປນ-ຊາຍແດນ(ລາວ-ຫວຽດນາມ) ແລະພົບໃນລົດຈັກຂອງຊາວຫວຽດນາມໃນເສັ້ນທາງດັ່ງກ່າວ ໃນວັນທີ 12 ກຸມພາ 2017 ທີ່ຜ່ານມາ ທີ່ນຳເຂົ້າໂດຍບໍ່ໄດ້ຮັບອະນຸຍາດ ພ້ອມທັງຍັງມີສານເຄມີອັນຕະລາຍເຈືອປົນຢູ່.
ດັ່ງນັ້ນ, ມາຮອດວັນທີ 13 ກຸມພາ 2017 ທີ່ຜ່ານມາ ເຈົ້າໜ້າທີ່ພະແນກກະສິກຳເມືອງເຊໂປນ ແຂວງສະຫວັນນະເຂດ ຈຶ່ງໄດ້ຈັດພິທີຝັງທຳລາຍຊີ້ນສ່ວນສັດດັ່ງກ່າວ ເພື່ອບໍ່ໃຫ້ຊີ້ນສ່ວນສັດທີ່ຜິດກົດໝາຍແລະເປັນອັນຕະລາຍຕົກໄປເຖິງຜູ້ບໍລິໂພກ ກໍຄືພໍ່ແມ່ປະຊາຊົນ.
ແຫຼ່ງຂ່າວ: ໂທລະພາບແຂວງສະຫວັນນະເຂດ