spot_img
Homeຂ່າວຕ່າງປະເທດລັດຄາລິຟໍເນຍ ສັ່ງອົບພະຍົບປະຊາຊົນດ່ວນ ເພາະຢ້ານເຂື່ອນໂອໂຣວິລແຕກ

ລັດຄາລິຟໍເນຍ ສັ່ງອົບພະຍົບປະຊາຊົນດ່ວນ ເພາະຢ້ານເຂື່ອນໂອໂຣວິລແຕກ

Published on

ສຳນັກຂ່າວຕ່າງປະເທດລາຍງານເມື່ອວັນທີ 12 ກຸມພາ 2017 ວ່າທາງການທ້ອງຖິ່ນຢູ່ໃນລັດຄາລິຟໍເນຍຂອງສະຫະລັດໄດ້ສັ່ງອົບພະຍົບປະຊາຊົນທີ່ຢູ່ທາງໃຕ້ຂອງເຂື່ອນໂອໂຣວິລດ່ວນ ເຊິ່ງເປັນເຂື່ອນທີ່ສູງທີ່ສຸດຂອງສະຫະລັດ

ທາງການໄດ້ແຈ້ງຜ່ານສື່ສັງຄົມອອນລາຍໃຫ້ປະຊາຊົນອົບພະຍົບດ່ວນ ເຊິ່ງໄດ້ບອກວ່າບໍ່ແມ່ນການສ້ອມແປງ ແລະຂໍໃຫ້ອົບພະຍົບໄປທາງພາກຕາເວັນອອກ, ທາງພາກຕາເວັນຕົກ, ທາງພາກໃຕ້ ແລະຫ້າມອົບພະຍົບໄປທາງພາກເໜືອ, ຂະນະທີ່ສຳນັກງານຊັບພະຍາກອນນໍ້າ ຂອງລັດຄາລິຟໍເນຍ ເຕືອນວ່າທາງລະບາຍນໍ້າລົ້ນ ອາດແຕກໃນເວລາບໍ່ພໍເທົ່າໃດຊົ່ວໂມງ

16735994_966667396768069_272745263_n

ທາງການເລີ່ມປ່ອຍນໍ້າອອກຈາກເຂື່ອນ ໂດໂຣວິລ ຢ່າງລະມັດລະວັງ ຕັ້ງແຕ່ວັນທີ 9 ກຸມພາ 2017 ຫຼັງຈາກພົບວ່າກ້ອນຄອນກີດ ຂະໜາດໃຫຍ່ຫຼາຍກ້ອນຫຼຸດອອກໄປຈາກທາງລະບາຍນໍ້າ ລະດັບນໍ້າຢູ່ໃນເຂື່ອນເມື່ອວັນສຸກ ວັນທີ 10 ກຸມພາ ຢູ່ຕໍ່າຈາກດ້ານເທິງສຸດຂອງເຂື່ອນບໍ່ຮອດ 2 ແມັດ ເພາະມີຝົນຕົກໜັກ ແລະຫິມະຕົກໃນຊ່ວງກ່ອນໜ້ານີ້, ຫຼັງຈາກທີ່ຜ່ານມາຫຼາຍປີ ລັດຄາລິຟໍເນຍປະເຊີນກັບພາວະແຫ້ງແລ້ງ

ເຂື່ອນນີ້ ຕັ້ງຢູ່ທາງພາກຕາເວັນອອກ ຂອງເມືອງໂອໂຣວິລ ທີ່ມີປະຊາກອນຢູ່ 16,000 ກວ່າຄົນ, ເຂື່ອນມີຄວາມສູງ 230 ແມັດ ໃຊ້ເວລາກໍ່ສ້າງຕັ້ງແຕ່ປີ 1962-1968 ເປັນເຂື່ອນທີ່ສູງທີ່ສຸດໃນສະຫະລັດອາເມລິກາ

ບົດຄວາມຫຼ້າສຸດ

ໃນປີ 2026 ລັດຖະບານຈະປັບເງິນເດືອນ ພະນັກງານລັດຖະກອນບໍ່ຫຼຸດ 3,000,000 ກີບ/ເດືອນ ເພື່ອແກ້ໄຂສະພາບການເປັນຢູ່ຂອງພະນັກງານ

ທ່ານ ສັນຕິພາບ ພົມວິຫານ ລັດຖະມົນຕີກະຊວງການເງິນ ໄດ້ຊີ້ແຈງຕໍ່ການຊັກຖາມຂອງສະມາຊິກສະພາແຫ່ງຊາດ ໃນກອງປະຊຸມສະໄໝສາມັນ ເທື່ອທີ 10 ຂອງສະພາແຫ່ງຊາດ ຊຸດທີ IX ໃນວັນທີ 13 ພະຈິກ...

ຈັບໄດ້ທັງໝົດແລ້ວ! ກໍລະນີລົດບັນທຸກລິງປີ້ນທີ່ ສ.ອາເມຣິກາ ເຮັດໃຫ້ລິງຕິດເຊື້ອໂຕນໜີເມື່ອສອງອາທິດທີ່ຜ່ານມາ ປັດຈຸບັນ ສາມາດນຳລິງທັງໝົດກັບມາໄດ້ແລ້ວ

ເປັນເວລາກວ່າ 8 ມື້ໃນການໄລ່ຈັບລີງຕິດເຊື້ອ, ກໍລະນີທີ່ເກີດຂຶ້ນ ໃນວັນທີ 28 ເດືອນຕຸລາ 2025 ທີ່ຜ່ານມາ ທີ່ລັດມິດຊີຊິບປີ້ ( Mississippi ), ສະຫະລັດອາເມລິກາ...

ໂຄງການ ASEAN SOAR Together ໄດ້ຮ່ວມແບ່ງປັນເລື່ອງລາວຄວາມສໍາເລັດຂອງ MSME ດິຈິຕ້ອນ ທີ່ງານ ABIS 2025

ສະເຫຼີມສະຫຼອງຜົນສໍາເລັດຂອງການຫັນສູ່ດິຈິຕ້ອນຂອງ MSME ໃນທົ່ວອາຊຽນ ຜ່ານໂຄງການ ASEAN SOAR Together ກົວລາ ລໍາເປີ, 31 ຕຸລາ 2025 – ມູນນິທິ ອາຊຽນ...

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...