ຖ້າທ່ານ ແມ່ນປະຊາຊົນລາວ ທີ່ມີອາຍຸ ລະຫວ່າງ 18-30 ປີ ມັກຮັກ ໃນການແລກປ່ຽນວັດທະນາທໍາ ກັບຊາວໜຸ່ມ ຢີ່ປຸ່ນ ແລະ ອາຊຽນ ທ່ານບໍ່ຄວນພາດ ທີ່ຈະສະຫມັກເຂົ້າເປັນ ຕົວແທນປະເທດລາວ ເຂົ້າຮ່ວມໂຄງການ The Ship for Southeast Asian Youth and Japan (SSEAYP) 2017 !

ສະເພາະ ໂຄງການ SSEAYP 2017, ເຮືອ Nippon Maru ຈະນໍາພາ ຊາວໜຸ່ມ ຈາກ 11 ປະເທດ ໄປຢ້ຽມຢາມ 5 ປະເທດ ໂດຍປະກອບມີ: ຢີ່ປຸ່ນ, ກໍາປູເຈຍ, ໄທ, ອິນໂດເນເຊຍ ແລະ ມາເລເຊຍ ໂດຍໂຄງການ ຈະດໍາເນີນໃນລະຫວ່າງ ວັນທີ 24/10/2017-12/12/2017

ການສອບເສັງຄັດເລືອກຕົວແທນ ຈາກສປປ ລາວ ແມ່ນຈັດໂດຍ ສູນກາງຊາວໜຸ່ມປະຊາຊົນປະຕິວັດລາວ. ລາຍລະອຽດ ການສະຫມັກ ເຂົ້າຮ່ວມການສອບເສັງ ແມ່ນສູນກາງຊາວໜຸ່ມ ຈະເປັນຜູ້ປະກາດ ໂດຍທົ່ວໄປແລ້ວ ຈະມີແຈ້ງການປະກາດ ໃນຊ່ວງທ້າຍເດືອນ ເມສາ ຫາ ກາງເດືອນພຶດສະພາ ຂອງທຸກໆປີ.

ທີ່ມາຈາກ: Lao Youth Radio FM 90.0 Mhz
ຕິດຕາມຂ່າວເສດຖະກິດລາວ ກົດໄລຄ໌ເລີຍ!