ໃນຕອນເຊົ້າວັນທີ 11 ກຸມພາ 2017 (ເຊິ່ງກົງກັບ ວັນເສົາ ຂື້ນ 15 ຄ່ຳ ເດືອນ 3 ພສ 2559) ທີ່ເດີ່ນພະທາດຫຼວງ ນະຄອນຫຼວງວຽງຈັນ ໄດ້ມີພິທີເຮັດບຸນຕັກບາດພະສົງ 1,500 ອົງ ເນື່ອງໃນງານບຸນມາຄະບູຊາ ແລະ ກົງກັບບຸນເຂົ້າຈີ່ ເຊິ່ງເປັນວັນສຳຄັນຂອງຊາວພຸດ ແລະ ໄດ້ມີບັນດາພໍ່ແມ່, ຄູບາອາຈານ, ພຸດທະສາສະນິກະຊົນທົ່ວປະເທດ ຮ່ວມກັນເຮັດບຸນ, ໃສ່ບາດມີພະພິຂຸສົງຢ່າງຄັບຄາໜ້າແໜ້ນ ເບິ່ງແລ້ວຮູ້ສຶກອີ່ມບຸນນຳ.

ປະຫວັດວັນມາຄະບູຊາ: ວັນມາຄະບູຊາ ເປັນວັນສຳຄັນຂອງທາງພະພຸດສາດທະສາສະໜາວັນນຶ່ງ ເຊິ່ງເປັນທີ່ຮູ້ກັນວ່າ ເປັນວັນເກີດພະທຳ ຖືວ່າເປັນວັນທີ່ ພະພຸດທະເຈົ້າ ໄດ້ປະກາດຫລັກທຳຄຳສັ່ງສອນຂອງພະອົງ ເພື່ອໃຫ້ພະອໍຣະຫັນທັ້ງຫຼາຍ ທີ່ມາປະຊຸມກັນໃນວັນນັ້ນນຳໄປເຜີຍແພ່. • ວັນ ”ມາຄະບູຊາ” ເປັນວັນບູຊາພິເສດ ທີ່ຕ້ອງເຮັດໃນວັນເພັງ ເດືອນມາຄະ ຫຼື ໃນວັນທີ່ພະຈັນສະເຫວີຍມາຄະຣຶກ ( ເຊິ່ງໂດຍປົກກະຕິ ເຮັດກັນໃນກາງເດືອນ 3 ແຕ່ຖ້າປີໃດມີ ເດືອນແປດສອງຫົນ ກໍຍ້າຍໄປກາງເດືອນ 4 ) ຖືກັນວ່າເປັນວັນສຳຄັນ ເພາະມື້ນີ້ເປັນວັນຄ້າຍກັບວັນປະຊຸມກັນເປັນພິເສດ ແຫ່ງພະອໍຣະຫັນຕະສາວົກ ໂດຍບໍ່ໄດ້ມີການນັດຫມາຍ ເຊິ່ງເອິ້ນວ່າ ວັນຈາຕຸຣົງຄະສັນນິບາດ ເຊິ່ງໄດ້ມີຂຶ້ນນະບໍຣິເວນເວລຸວັນມະຫາວິຫານ ຫລັງຈາກທີ່ພຣະພຸທທະເຈົ້າ ໄດ້ຕັດສະຮູ້ເປັນເວລານັບໄດ້ 9 ເດືອນ. ໍ● ວັນມາຄະບູຊາ ເປັນວັນທີ່ພະພຸດທະເຈົ້າສະແດງ “ໂອວາທປາຕິໂມກ” ເຊິ່ງຖືກັນວ່າ ເປັນຫລັກຄຳສອນ ທີ່ເປັນຫົວໃຈຂອງພະພຸດທະສາສະໜາ.

ທີ່ມາຈາກ: unader.com

ຕິດຕາມຂ່າວເສດຖະກິດລາວ ກົດໄລຄ໌ເລີຍ!