spot_img
Homeນານາສາລະ6 ປະໂຫຍດຂອງເປືອກກ້ວຍສຸກ ທີ່ຫຼາຍຄົນຍັງບໍ່ຮູ້

6 ປະໂຫຍດຂອງເປືອກກ້ວຍສຸກ ທີ່ຫຼາຍຄົນຍັງບໍ່ຮູ້

Published on

ໝາກກ້ວຍ ມີແຮ່ທາດ ແລະວິຕາມິນ ເປັນໝາກໄມ້ທີ່ຊອກກິນໄດ້ງ່າຍ ເພາະເປັນໝາກທຸກລະດູ, ນອກຈາກນັ້ນເປືອກກ້ວຍຍັງມີປະໂຫຍດຫຼາຍຢ່າງ ມື້ນີ້ ລາວໂພສຕ໌ ຈຶ່ງຈະມາແນະນຳວ່າ ຫຼັງຈາກປອກກ້ວຍກິນແລ້ວ ຢ່າຟ້າວຖິ້ມເປືອກກ້ວຍ ເພາະມັນຍັງມີປະໂຫຍດຕໍ່ສຸຂະພາບ ທີ່ເຮົາຈະໄດ້ຮັບຈາກເປືອກກ້ວຍນັ້ນເອງ

  1. ຊ່ວຍສະໝານບາດແຜ: ເປືອກກ້ວຍ ເປັນຢາສະໝານແຜໄດ້ດີເກີນຄາດ ເພາະມີເອນໄຊ ສານແອນຕີ້ອອກຊີແດນ ແລະແຮ່ທາດຕ່າງທ ທີ່ຊ່ວຍເຮັດໃຫ້ບາດແຜດີໄວ ພຽງເອົາເປືອກກ້ວຍໄປລ້າງຢາງອອກໃຫ້ໝົດ ແລ້ວເອົາມາຖູຮອບໆ ປາກບາດແຜ ທີ່ເກີດຈາກການເກົາ, ຮອຍສິວ, ລວມເຖິງອາການຄັນຈາກເຊື້ອລາ
  2. ແກ້ຍຸງກັດ: ນໍ້າຕານໃນເປືອກກ້ວຍ ສາມາດຫຼຸດອາການບວມໃຄ່ ຂອງຕຸ່ມຍຸງກັດ ໂດຍໃຊ້ເປືອກກ້ວຍດ້ານໃນຖູລົງບໍລິເວນຜິວທີ່ຖືກຍຸງກັດ ປະໄວ້ບຶດໜຶ່ງ ອາການເປັນຕຸ່ມແດງກໍຈະດີ ຫຼືຖືກແມງໄມ້ອື່ນໆກັດ ເປືອກກ້ວຍຊ່ວຍອາການບວມໃຄ່ໄດ້
  3. ຂັດແຂ້ວໃຫ້ຂາວ:​ ເອົາເປືອກກ້ວຍມາຖູແຂ້ວມື້ລະ 1 ນາທີ ຈະຊ່ວຍໃຫ້ແຂ້ວຂາວ ເພາະໃນເປືອກກ້ວຍ ມີແຮ່ທາດໂພແທສຊຽມ, ແມັງການິດ, ແມັກນີຊຽມ ທີ່ເຮັດໃຫ້ແຂ້ວຂາວໄດ້
  4. ແກ້ສົ້ນຕີນແຕກ: ເປືອກກ້ວຍດ້ານໃນມີລັກສະນະມື່ນ, ຄວາມມື່ນຂອງເປືອກກ້ວຍ ເມື່ອເອົາມາຖູບໍລິເວນສົ້ນຕີນແຕກແຫ້ງ ປະໄວ້ 10-15 ນາທີ ແລ້ວລ້າງອອກດ້ວຍນໍ້າສະອາດ ຈະຊ່ວຍເຮັດໃຫ້ຜິວບໍລິເວນສົ້ນຕີນນຸ້ມຂຶ້ນ ຄວນເຮັດອາທິດລະ 2-3 ຄັ້ງ ພ້ອມທາຄີມບຳລຸງ ພຽງເທົ່ານີ້ ບັນຫາສົ້ນຕີນແຕກກໍຈະໝົດໄປ
  5. ບັນເທົາອາການເຈັບປວດ: ເອົາເປືອກກ້ວຍໄປລົນໄຟ ແລ້ວເອົາມາຄັ້ນບໍລິເວນທີ່ປວດເມື່ອຍ ຈະຮູ້ສຶກຜ່ອນຄາຍລົງໄດ້
  6. ຊ່ວຍຂ້າເຊື້ອ: ເປືອກກ້ວຍເປັນຢາຂ້າເຊື້ອ ສາມາດປິ່ນປົວບາດແຜທີ່ຖືກມີດບາດໄດ້ ໂດຍເອົາເປືອກກ້ວຍມາປາດ ແລ້ວຕັດເປັນຕ່ອນ ມາປິດລົງບາດແຜ ແລ້ວໃຊ້ຜ້າມາພັນໄວ້ ປະໄວ້ 2-3 ຊົ່ວໂມງແລ້ວປ່ຽນເອົາກ້ວຍຕ່ອນໃໝ່ໃສ່ ເຮັດແບບນີ້ບາດແຜຈະຄ່ອຍໆດີຂຶ້ນ

ບົດຄວາມຫຼ້າສຸດ

ປຶກສາຫາລື 5 ຫົວຂໍ້ສຳຄັນ ໃນກອງປະຊຸມສະໄໝສາມັນ ຂອງລັດຖະບານ ປະຈຳເດືອນກຸມພາ 2025

ໄຂກອງປະຊຸມສະໄໝສາມັນ ຂອງລັດຖະບານ ປະຈຳເດືອນກຸມພາ 2025 ກອງປະຊຸມສະໄໝສາມັນຂອງລັດຖະບານ ປະຈຳເດືອນກຸມພາ 2025 ໄດ້ໄຂຂຶ້ນໃນຕອນເຊົ້າວັນທີ 27 ກຸມພາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານຂອງທ່ານ ສອນໄຊ ສີພັນດອນ,...

ເຮືອບິນກອງທັບຊູດານ ເກີດອຸບັດຕິເຫດຕົກໃສ່ເຂດຊຸມຊົນ ເຮັດໃຫ້ມີຜູ້ເສຍຊີວິດ 46 ຄົນ

ເສຍຊີວິດເພີ່ມ 46 ຄົນ ຈາກເຫດເຮືອບິນກອງທັບຊູດານຕົກໃນເຂດຊຸມຊົນ. ສຳນັກຂ່າວຕ່າງປະເທດລາຍງານໃນວັນທີ 26 ກຸມພາ 2025 ເກີດເຫດເຮືອບິນຂອງກອງທັບຊູດານເກີດອຸບັດຕິເຫດຕົກໃນ ເມືອງອອມດູມານ ພາກກາງຂອງປະເທດ ໃນວັນອັງຄານຜ່ານມາ ເຮັດໃຫ້ມີຜູ້ເສຍຊີວິດຢ່າງນ້ອຍ 46 ຄົນ...

ທຫລ ປະກາດໃຊ້ ຂໍ້ຕົກລົງວ່າດ້ວຍການ ຄຸ້ມຄອງບັນຊີເງິນຝາກເງິນຕາຕ່າງປະເທດຢູ່ ລາວ

ທຫລ ປະກາດໃຊ້ ຂໍ້ຕົກລົງວ່າດ້ວຍການ ຄຸ້ມຄອງບັນຊີເງິນຝາກເງິນຕາຕ່າງປະເທດຢູ່ ລາວ ໃນວັນທີ 26 ກຸມພາ 2025 ນີ້, ທ່ານ ອາລຸນ ບຸນຍົງ ຮອງຜູ້ວ່າການ ທະນາຄານແຫ່ງ...

ກວດພົບ 2 ສາຍສື່ສານທີ່ບໍ່ມີເຈົ້າຂອງທີ່ ຂົວມິດຕະພາບ ລາວ-ໄທ

ເຈົ້າໜ້າທີ່ ກສທຊ ປະເທດໄທ ກວດພົບ 2 ສາຍສື່ສານບໍ່ມີເຈົ້າຂອງ ສຳນັກຂ່າວຕ່າງປະເທດ ລາຍງານໃນວັນທີ 25 ກຸມພາ 2025 ຜ່ານມາ, ເຈົ້າໜ້າທີ່ ສຳນັກງານຄະນະກຳມະການ ກິດຈະການກະຈາຍສຽງ,...