ສຳນັກຂ່າວຊີເອັນເອັນ ລາຍງານເມື່ອວັນທີ 6 ກຸມພາ 2017 ຜ່ານມາວ່າ ທີມນັກວິທະຍາສາດຂອງມະຫາວິທະຍາໄລວິກເວີສແຣນ ໃນແອັບຟລິກາໃຕ້ ໄດ້ພົບຫຼັກຖານສຳຄັນ ພົບທະວີບທີ່ສູນຫາຍຢູ່ໃຕ້ມະຫາສະໝຸດອິນເດຍ ເມື່ອ 84 ລ້ານປີກ່ອນ ແລະໄດ້ຕັ້ງຊື່ໃຫ້ວ່າ “ມໍຣິເຊຍ” ເພາະວ່າບໍລິເວນທີ່ພົບທະວີບທີ່ສູນຫາຍນີ້ ຢູ່ໃຕ້ເກາະມໍຣິເຊຍ ເກາະທ່ອງທ່ຽວຊື່ດັງ ໃນມະຫາສະໝຸດອິນເດຍໃນຍຸກນີ້ ແລະທີວີບມໍຣິເຊຍ ໄດ້ຖືກກືນຫາຍສາບສູນ ຈາກນໍ້າໃນມະຫາສະໝຸດ
ທີມນັກວິທະຍາາດບອກວ່າ ຈາກການສຶກສາວິໄຈແຮ່ທາດຈາກກ້ອນຫີນ ທີ່ພົ້ນມາໜ້ານໍ້າໃນມະຫາສະໝຸດອິນເດຍ ເຮັດໃຫ້ຮູ້ວ່າທະວີບມໍຣິເຊຍ ເກີດຂຶ້ນຈາກລາວາພູເຂົາໄຟ ທີ່ເກີດການລະເບີດໃນອະດີດ ແລະຍັງພົບຫຼັກຖານສຳຄັນອີກຄື ການຄົ້ນພົບຜຶກຂອງແຮ່ເຊີຄອນໃນກ້ອນຫີນອາຍຸປະມານ 3 ພັນລ້ານປີ ເຊິ່ງມີອາຍຸຫຼາຍກວ່າແຮ່ທາດທີ່ພົບໃນເກາະມໍຣິເຊຍໃນປັດຈຸບັນ
ຈາກການສຶກສາວິໄຈເພີ່ມເຕີມ ຂອງທີມນັກວິທະຍາສາດມະຫາວິທະຍາໄລວິກເວີສແຣນ ຍັງພົບວ່າ ທະວີບມໍຣິເຊຍ ເປັນສ່ວນໜຶ່ງຂອງແຜ່ນທະວີບທີ່ໃຫຍ່ໃນຍຸກບູຮານ ທີ່ເອີ້ນວ່າ “ກອນວານາ” ອາຍຸ 200 ລ້ານກວ່າປີ, ຈາກນັ້ນ ໄດ້ແຕກອອກເປັນທະວີບແອນຕາກຕິກ, ອັບຟະລິກາ, ອອສເຕຣເລຍ ແລະອາເມລິກາໃຕ້ໃນປັດຈຸບັນ