ບາງຄົນຢາກໃຫ້ຜົມຍາວ ແຕ່ຜົມກັບບໍ່ຍາວທັນໃຈຈັກເທື່ອ, ມື້ນີ້ເຮົາມີວິທີ ເລັ່ງຜົມໃຫ້ຍາວ ເງົາງາມ ແບບທັນໃຈ ດ້ວຍວິທີງ່າຍໆ ໃຜໆທີ່ຢາກໃຫ້ຜົມຍາວ ກໍສາມາດເຮັດເອງໄດ້ດ້ວຍວິທີດັ່ງນີ້
- ກິນອາຫານທີ່ມີປະໂຫຍດ ແລະດີຕໍ່ເສັ້ນຜົມ: ການເລືອກຮັບປະທານອາຫານທີ່ມີວິຕາມິນເອ, ບີ, ຊີ ແລະ ອີ, ອາຫານທີ່ມີ ທາດເຫຼັກ, ສັງກະສີ, ແມັກນີຊຽມ ແລະຊີລີນຽມ ເຊິ່ງພົບຫຼາຍໃນອາຫານຈຳພວກນົມ, ໂຢເກິດ, ໄຂ່ໄກ່, ປາ, ຜັກຫົມ, ອາໂວກາໂດ ຈະຊ່ວຍກະຕຸ້ນການສ້າງເສັ້ນຜົມໃໝ່ ເຮັດໃຫ້ຜົມມີສຸຂະພາບດີ ແລະຊ່ວຍໃຫ້ຜົມຍາວ
- ການນວດຫົວ: ຖືເປັນອີກວິທີໜຶ່ງທີ່ເລັ່ງຜົມໃຫ້ຍາວ ແຕ່ຕ້ອງຄວບຄູ່ກັບການໝັກຜົມດ້ວຍນໍ້າມັນໝາກກອກ ເພື່ອກະຕຸ້ນການເຮັດວຽກຂອງເສັ້ນຜົມ ລວມເຖິງການກະຕຸ້ນການໄຫຼວຽນຂອງເລືອດໄປລ້ຽງເສັ້ນຜົມ ເຮັດໃຫ້ຜົມຍາວໄວ ແລະແຂງແຮງ
- ການອອກກຳລັງກາຍເສັ້ນຜົມ: ດ້ວຍການຫວີຜົມຄ່ອຍໆ ໃຊ້ຫວີສຳຜັດກັບໜັງຫົວ ກໍເປັນການກະຕຸ້ນການໄຫຼວຽນຂອງເລືອດຢູ່ຫົວໄດ້ດີເຊັ່ນກັນ, ຈາກນັ້ນ ກົ້ມຫົວລົງໃຫ້ເລືອດໄປລ້ຽງຫົວ ປະໄວ້ 2-4 ນາທີ ແລ້ວຄ່ອຍເງີຍຂຶ້ນ ການເຮັດແບບນີ້ທຸກມື້ ຈະຊ່ວຍໃຫ້ຜົມຍາວໄວ
- ບໍ່ຕຶງຄຽດ: ຮູ້ຫຼືບໍ່ວ່າ ການເຮັດໃຫ້ຍາວຊ້າ ກໍຄືຄວາມຄຽດ ເພາະຄວາມຄຽດຈະຢັບຢັ້ງ ການເຮັດວຽກຕ່າງໆຂອງຮ່າງກາຍ ລວມເຖິງການຈະເລີນເຕີບໂຕຂອງເສັ້ນຜົມ
- ຕັດປາຍຜົມ: ບາງຄັ້ງການຕັດປາຍຜົມເລັກໜ້ອຍ 2 ເດືອນຕໍ່ຄັ້ງ, ວິທີນີ້ຈະຊ່ວຍກະຕຸ້ນໃຫ້ເສັ້ນຜົມຍາວໄວ ແລະຍັງເປັນການກຳຈັດຜົມເສຍ ແລະແຕກປາຍອອກໄປອີກດ້ວຍ
- ໃຊ້ຢາສະຜົມເລັ່ງຜົມຍາວ: ວິທີນີ້ຈະສະດວກສະບາຍ ເພາະໃນປະຈຸບັນມີໃຫ້ເລືອກຫຼາຍໆຍີ່ຫໍ້, ຫາກເຮັດຄວບຄູ່ກັບວິທີ ທີ່ເວົ້າມາຂ້າງເທິງ ຮັບຮອງວ້ໍ່າຜົມຈະຍາວແບບເຫັນຜົມທັນໃຈແນ່ນອນ
ຕິດຕາມນານາສາລະ ກົດໄລຄ໌ເລີຍ!