ສຳນັກຂ່າວຕ່າງປະເທດລາຍງານເມື່ອວັນທີ 6 ກຸມພາ 2017 ຜ່ານມາວ່າ ພູເຂົາໄຟໂກລີມາ ຢູ່ໃນລັດຮາລິສໂກ ທາງພາກຕາເວັນຕົກຂອງປະເທດເມັກຊີໂກ ທີ່ກຳລັງລະເບີດຂຶ້ນ ເຊິ່ງໃນຂະນະດຽວກັນກໍມີສາຍຟ້າຜ່າ ລົງໄປໃນປ່ອງພູເຂົາໄຟທີ່ລາວາກຳລັງລະເບີດອອກມາ ຈົນເຮັດໃຫ້ເກີດເປັນພາບທີ່ງົດງາມ ເຊິ່ງພາບນີ້ຖືກບັນທຶກໄວ້ໂດຍເຮີນັນໂດ້ ຣິເວຣ່າ ນັກກຣາຟິກດີໄຊຄົນໜຶ່ງ ທີ່ໄປເຝົ້າລໍຖ້າທ່າມອາກາດໜາວ ເພື່ອຖ່າຍພາບມະຫັດສະຈັນທາງທຳມະຊາດນີ້

ລາວໄປເຝົ້າລໍຖ້າການລະເບີດຄັ້ງນີ້ດົນເຖິງຊົ່ວໂມງ ຫ່າງອອກໄປຈາກພູເຂົາໄຟປະມານ 12 ກິໂລແມັດ ເຊິ່ງຄາດວ່າລັດສະໝີການໄຫຼຂອງລາວາຄັ້ງນີ້ກິນພື້ນທີ່ປະມານ 8 ກິໂລແມັດ

ພູເຂົາໄຟໂກລີມາ ມີຄວາມສູງປະມານ 3,800 ແມັດ ຫ່າງອອກຈາກພາກຕາເວັນຕົກຂອງນະຄອນເມັກຊິໂກຊິຕີ ເມືອງຫຼວງຂອງເມັກຊີໂກ 690 ກິໂລແມັດ ເຊິ່ງຜ່ານມາພູເຂົາໄຟໂກລີມາ ຍັງໝີຄວາມຮ້ອນ ແລະລະເບີດຄວາມຮ້ອນລາວາອອກມາຕະຫຼອດ ແລະຍັງເປັນໜຶ່ງພູເຂົາໄຟທີ່ຍັງມີການລະເບີດຮຸນແຮງທີ່ສຸດໃນເມັກຊີໂກ