ວົງການບານເຕະລາວມີໜາວ ໂດຍສະເພາະ ລາວພຣີເມຍລີກລະດູການນີ້ ເມື່ອບັນດາທີມທີ່ເຂົ້າຮ່ວມລາວພຣີເມຍລີກ 2017 ເລີ່ມຖອນທີມອອກຈາກການແຂ່ງຂັນຍັງບໍ່ທັນໄດ້ເລີ່ມ.

ເຟສບຸກ The Passer ໄດ້ເປີດເຜີຍຕໍ່ສື່ເມື່ອວັນທີ 6 ກຸມພາ 2017 ວ່າ “ມຊ FC” ທີມນ້ອງໃໝ່ໃນວົງການລາວພຣີເມຍລີກ ໄດ້ປະກາດຢຸດຊ້ອມ ແລະ ອາດຖອນຕົວອອກຈາກການແຂ່ງຂັນ

ເຊິ່ງການທີ່ທາງ ສະໂມສອນ ມຊ ໄດ້ອອກມາປະກາດໃຫ້ແຟນບານໄດ້ຮັບຊາບໃນຄັ້ງນີ້ກໍ່ເຮັດໃຫ້ຫຼາຍທ່ານອາດສົງໄສ ແລະ ຕັ້ງຄຳຖາມຕ່າງໆນາໆວ່າເປັນຫຍັງ? ຍ້ອນຫຍັງ? ບໍ່ມີຜູ້ສະໜັບສະໜູນບໍ ຫລື ຍ້ອນບັນຫາໃດ? ແລະ ເກີດຈາກຫຍັງ? ໃນເມື່ອສະພາບເຫດການເປັນແບບນີ້ແລ້ວ ທາງ ສຕລ ຈະມີແນວທາງແກ້ໄຂບັນຫານີ້ແນວໃດ ຫຼື ອາດມາເຖິງຈຸດປ່ຽນຢ່າງໃຫຍ່ຫລວງຂອງວົງການບານເຕະລາວ ຫຼື ບໍ່? ເຮົາກໍ່ຕ້ອງໄດ້ຕິດຕາມກັນຕໍ່ໄປ ແຕ່ພວກເຮົາທຸກຄົນກໍ່ຫວັງວ່າບັນຫາທຸກຢ່າງຈະໄດ້ຮັບການແກ້ໄຂໄປໃນທາງທີ່ດີຂຶ້ນ ແລະ ການແຂ່ງຂັນບານເຕະລາວພຣີເມຍລີກໃນລະດູການນີ້ຈະກັບມາມີສີສັນຄືກັບລະດູການທີ່ຜ່ານມາ.

ແຫລ່ງຂ່າວຈາກ: ເຟສບຸກ The Passer
ຕິດຕາມຂ່າວເສດຖະກິດລາວ ກົດໄລຄ໌ເລີຍ!