spot_img
Homeຂ່າວພາຍ​ໃນສໍາເລັດກອງປະຊຸມ ພົບປະທະນາຄານທຸລະກິດ ທົ່ວປະເທດ ປະຈຳປີ 2016

ສໍາເລັດກອງປະຊຸມ ພົບປະທະນາຄານທຸລະກິດ ທົ່ວປະເທດ ປະຈຳປີ 2016

Published on

ທະນາຄານແຫ່ງ ສປປ ລາວ ໄດ້ຈັດຕັ້ງກອງປະຊຸມ ພົບປະທະນາຄານທຸລະກິດ ທົ່ວປະເທດ ປະຈໍາປີ 2016 ຢ່າງເປັນທາງການໃນວັນທີ 3 ກຸມພາ 2017 ທີ່ນະຄອນຫຼວງວຽງຈັນ ເຊິ່ງໄດ້ດໍາເນີນມາເປັນເວລາໜຶ່ງມື້ ໂດຍການໃຫ້ກຽດເປັນປະທານຂອງທ່ານ ສົມພາວ ໄຟສິດ ກໍາມະການສູນກາງພັກ, ຜູ້ວ່າການທະນາຄານແຫ່ງ ສປປ ລາວ, ນອກນີ້ ຍັງມີຮອງລັດຖະມົນຕີກະຊວງແຜນການ ແລະ ການລົງທຶນ, ຮອງລັດຖະມົນຕີກະຊວງການເງິນ, ຮອງລັດຖະມົນຕີກະຊວງກະສິກໍາ ແລະ ປ່າ ໄມ້, ຄະນະທະນາຄານແຫ່ງ ສປປ ລາວ 4 ພາກ, ບັນດາທະນາຄານທຸລະກິດໃນທົ່ວປະເທດ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.

ກອງປະຊຸມພົບປະໃນຄັ້ງນີ້ ທ່ານ ກິແກ້ວ ຈັນທະບູລີ ຮອງລັດຖະມົນຕີກະຊວງແຜນການ ແລະ ການລົງທຶນ ໄດ້ນໍາສະເໜີແຜນພັດທະນາເສດຖະກິດ-ສັງຄົມປີ 2017 ແລະ ແຜນການລົງທຶນຂອງລັດ, ກົນໄກການຈັດສັນທຶນ ເພື່ອໂຄງການລົງທຶນຂອງລັດ ຂອງ ກະຊວງແຜນການ ແລະ ການລົງທຶນ, ທາງດ້ານ ທ່ານ ອາດສະພັງທອງ ສີພັນດອນ ຮອງລັດຖະມົນຕີກະຊວງການເງິນ ກໍໄດ້ນໍາສະເໜີແຜນງົບປະມານປີ 2017, ກົນໄກຈັດສັນງົບປະມານຂອງກະຊວງການເງິນ, ທ່ານ ພຸດທະໄຊ ສີວິໄລ ຕາງໜ້າທະນາຄານແຫ່ງ ສປປ ລາວ ກໍໄດ້ນໍາສະເໜີແຜນນະໂຍບາຍເງິນຕາປີ 2017, ການປ່ອຍສິນເຊື່ອ, ການປະຕິບັດ Interbank ແລະ ອື່ນໆ ແລະ ທ່ານ ພວງປາຣິສັກ ປຣະວົງວຽງຄໍາ ຮອງລັດຖະມົນຕີກະຊວງກະສິກໍາ ແລະ ປ່າໄມ້ ຍັງນໍາສະເໜີທິດທາງແຜນການກະສິກໍາປີ 2017, ການຜະລິດເພື່ອຄໍ້າປະກັນສະບຽງອາຫານ, ປຸງແຕ່ງຫັນເປັນຕ່ອງໂສ້ບົນຫຼັກການ 4 ຮ່ວມຂອງ ກະຊວງກະສິກໍາ ແລະ ປ່າໄມ້.

ໃນຂະນະດຽວກັນ ທີ່ປະຊຸມຍັງໄດ້ມີຄໍາເຫັນເຈາະຈີ້ມ ແລະ ແລກປ່ຽນຄໍາເຫັນ ກ່ຽວກັບທິດທາງແຜນການຂອງພາກລັດຖະບານ ທີ່ຕິດພັນກັບຂະແໜງການທະນາຄານ, ໃນຕອນແລງຂອງວັນດຽວກັນ ກໍມີການພົບປະລະຫວ່າງກົມຄຸ້ມຄອງທະນາຄານທຸລະກິດທະນາຄານ ແຫ່ງ ສປປ ລາວ ກັບທະນາຄານທຸລະກິດ ເຊິ່ງໃນໂອກາດດັ່ງກ່າວ ທ່ານ ພຸດທະໄຊ ສີວິໄລ ຫົວໜ້າກົມຄຸ້ມຄອງທະນາຄານທຸລະກິດ ຍັງໄດ້ລາຍງານສະພາບການເຄື່ອນໄຫວ ວຽກງານຂອງກົມຄຸ້ມຄອງທະນາຄານທຸລະກິດ ປະຈໍາປີ 2016 ແລະທາງແຜນການປີ 2017, ຈາກນັ້ນ ທ່ານ ພູຂົງ ຈັນທະຈັກ ຜູ້ອຳນວຍການ ທະນາຄານການຄ້າຕ່າງປະເທດລາວ ມະຫາຊົນ, ປະທານສະມາຄົມທະນາຄານລາວ ຍັງໄດ້ລາຍງານການເຄື່ອນໄຫວຂອງ ສະມາຄົມທະນາຄານລາວ ປະຈໍາປີ 2016 ແລະ ທາງແຜນການປີ 2017; ພ້ອມນັ້ນກໍໄດ້ມີການແລກປ່ຽນບົດຮຽນ ແລະ ປະກອບຄໍາຄິດຄໍາເຫັນ, ຂໍ້ສະເໜີຕ່າງໆທີ່ປິ່ນອ້ອມວຽກງານຂະແໜງການທະນາຄານ ດ້ວຍຄວາມຮັບຜິດຊອບສູງ ແລະ ກົງໄປກົງມາ.

 

ແຫລ່ງຂ່າວ:

ລພນ

ບົດຄວາມຫຼ້າສຸດ

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...

ອົບພະຍົບຫຼາຍກວ່າ 1,000 ຄົນ ເຫດໄຟໄໝ້ເຂດຊຸມຊົນແອອັດ ໃນນະຄອນຫຼວງມະນິລາ ປະເທດຟິລິປິນ

ເກີດເຫດໄຟໄໝ້ຮຸນແຮງຢູ່ເຂດຊຸມຊົນແອອັດ ໃນເມືອງຫຼວງຂອງຟິລິບປິນ ປະຊາຊົນຫຼາຍກວ່າ 500 ຄອບຄົວບໍ່ມີທີ່ຢູ່ອາໄສ. ສຳນັກຂ່າວຕ່າງປະເທດລາຍງານວ່າ: ໃນວັນທີ 15 ກັນຍາ 2025 ຜ່ານມາ, ເກີດເຫດໄຟໄໝ້ຮຸນແຮງໃນຊ່ວງກາງຄືນໃນດເຂດຊຸມຊົນ ແຮບປີ້ແລນ ເຮັດໃຫ້ອາຄານບ້ານເຮຶືອນໄດ້ຮັບຄວາມເສຍຫາຍຫຼາຍຮ້ອຍຫຼັງ ເຮັດໃຫ້ປະຊາຊົນກວ່າ...