ລັດຖະບານລາວໄດ້ຕົກລົງໃ ຫ້ບໍລິສັດ ພາວເວີ ໂຮນດິງ ພັບບລີກ (Power Holding Public co.ltd) ຈາກປະເທດໄທ ເຂົ້າມາສຶກສາຄວາມເປັນໄປໄດ້ຂອງ ໂຄງການກໍ່ສ້າງເຂື່ອນໄຟຟ້ານໍ້າຕົກ ເຊບັງຫຽງ 1 ຢູ່ແຂວງສະຫວັນນະເຂດ ເປັນເວລາ 18 ເດືອນ, ເຊິ່ງໂຄງການດັ່ງກ່າວ ເປັນລັກສະນະຝາຍນໍ້າລົ້ນ, ຄາດວ່າຈະມີກໍາລັງຕິດຕັ້ງປະມານ 30-50 ເມກາວັດ (MW) ໂດຍຈະມີມູນຄ່າລົງທຶນປະມານ 3 ຕື້ບາດ (ສະກຸນເງິນໄທ) ແລະ ຄາດວ່າການສໍາຫລວດຕົວຈິງ ຈະມີຂຶ້ນໃນທ້າຍເດືອນກຸມພານີ້.
ພິທີລົງນາມບົດບັນທຶກຄວາມເຂົ້າໃຈ ເພື່ອສຶກສາ ແລະ ສໍາຫລວດໂຄງການດັ່ງກ່າວ ຈັດຂຶ້ນໃນວັນທີ 2 ກຸມພານີ້, ຢູ່ກະຊວງແຜນການ ແລະ ການລົງທຶນ ລະຫວ່າງ ທ່ານ ຄໍາລຽນ ພົນເສນາ ຮອງລັດຖະມົນຕີກະຊວງແຜນການ ແລະ ການລົງທຶນ ແລະ ທ່ານ ນາງ ກະນົດທິບ ຈັນພະລັງສີ ປະທານກໍາມະການບໍລິສັດ Power Holding Public co.ltd, ມີທ່ານ ສີນາວາ ສຸພານຸວົງ ຮອງລັດຖະມົນຕີ ກະຊວງພະລັງງານ ແລະ ບໍ່ແຮ່ ແລະ ພະແນກການກ່ຽວຂ້ອງ ຈາກແຂວງສະຫວັນນະເຂດ ເຂົ້າຮ່ວມນໍາດ້ວຍ.
ແຫລ່ງຂ່າວ:
ຕິດຕາມເຮົາທາງFacebook ກົດຖືກໃຈເລີຍ!