ທ່ອງທ່ຽວຕ່າງແດນ ກັບ ລາວໂພສຕ໌ ມື້ນີ້ເຮົາຈະມາຮູ້ຈັກກັບ ພູເອີ໋ເຫມີຍ ຫຼື ພູງໍ້ໄບ້  ເຊິ່ງເປັນພູເຂົາສູງສຽດຟ້າ ຕັ້ງຢູ່ມົນທົນ ເສສວນ ໂດຍມີຄວາມສູງ 3,077 ແມັດ ແລະ ມີວັດວາອາຣາມຕັ້ງຢູ່ເຖິງພູງໍ້ໄບ້ ກວ່າ 30 ວັດ ທັງຍັງມີບູຮານສະຖານສະໃໝ ຣາຊາວົງໝິງ ແລະ ຊິງ ທີ່ມີປະຫວັດສາດຍາວນານກວ່າ 2,000 ປີ

ພຣະພຸດທະຮູບສັນຍາລັກ ຣາຊາວົງຖັງ ແລະ ຊົງ, ເຈດີຢົກ ກຸ່ມສຸສານທີ່ໜ້າຜາສະໃໝຣາຊາວົງຮັ່ນ ຍັງອຸດົມໄປດ້ວຍວັດຖຸລ້ຳຄ່າຫວ່າ 7,000 ກວ່າສິ້ນ ນອກຈາກຄວາມໂດ່ງດັງໃນຖານະເປັນຍອດເຂົາແຫ່ງຕຳນານ ແລະ ວັດ ທະນະທຳທາງປະຫວັດສາດທີ່ຂຶ້ນຊື່ແລ້ວ ຍັງມີສະເໜ່ອັນງົດງາມຂອງທຳມະຊາດສຸດອະລັງການ ເຮັດໃຫ້ຊື່ສຽງຂອງ ພູງໍ້ໄບ້ ໂດ່ງດັງໄປທົ່ວປະເທດຈີນ ແລະ ຕ່າງປະເທດ

ນອກຈາກນີ້ຍັງເປັນແຫຼ່ງພືດພັນທາງທຳມະຊາດອັນມີຄ່າ ໂດຍສະເພາະການເປັນແຫຼ່ງປົກຄຸມຂອງພືດເຂດຮ້ອນ ເຊິ່ງອຸດົມດ້ວຍພືດຊັ້ນສູງເຖິງ 242 ຕະກູນ ແຍກເປັນ 3,200 ກວ່າຊະນິດ ມີພື້ນທີ່ປ່າປົກຄຸມເຖິງ 87% ຈິ່ງເປັນແຫລ່ງສຶກສາວິໄຈສາຍພັນຫາຍາກຂອງໂລກ.

ຕິດຕາມເລື່ອງດີດີເພຈທ່ຽວເມືອງລາວ Laotrips ກົດໄລຄ໌ເລີຍ!