ສຳນັກຂ່າວຕ່າງປະເທດລາຍງານເມື່ອວັນທີ 29 ມັງກອນ 2017 ຜ່ານມາວ່າ ຄົນຈີນຕະກູນເຈິງ ທັງໃນປະເທດ ແລະຕ່າງປະເທດຈຳນວນຫຼາຍພັນຄົນ ເດີນທາງມາຮວມຕົວກັນຢູ່ບ້ານຕ້າວ່ານ ເຂດຜິງຊານ ເມືອງເຊິນເຈິ້ນ ມົນທົນກວາງຕຸ້ງ ທາງພາກໃຕ້ຂອງຈີນ ເພື່ອເຮັດພິທີໄຫວ້ບູຊາບັນພະບຸລຸດຢ່າງຍິ່ງໃຫຍ່ໃນວັນກຸດຈີນ ຢູ່ສານບັນພະບຸລຸດຂອງຕະກຸນໃນໝູ່ບ້ານ ເຊິ່ງຖືກປະຕິບັດກັນມາດົນກວ່າ 200 ປີແລ້ວ ເພື່ອໃຫ້ປະເທດຊາດຢູ່ເຢັນເປັນສຸກ ຈະເລີນຮຸ່ງເຮືອງໃນປີໃໝ່
ເຊິ່ງແຕ່ລະຄອບຄົວກໍຈະເອົາອາຫານໄຫວ້, ເຄື່ອງໄຫວ້ ໄປຮ່ວມກັນເຮັດພິທີ, ນອກຈາກນີ້ຍັງມີການສະແດງແຫ່ມັງກອນ ແລະສິງໂຕ, ຈູດກະໂພກ ລະຫວ່າງພິທີໄຫວ້ ເພື່ອເຮັດໃຫ້ບັນຍາກາດພາຍໃນງານຄຶກຄື້ນຫຼາຍຂຶ້ນ