ຫຼາຍຄົນ ອາດມີບັນຫາເລື່ອງສິວສ້ຽນ ຫຼືສິວຫົວດຳ ໂດຍສະເພາະບໍລິເວນດັງ ເຊິ່ງມີລັກສະນະເປັນສິວຫົວດຳນ້ອຍໆ ເກີດຈາກເຊວທີ່ຕາຍແລ້ວ ແລະໄຂມັນ ມາປະສຳຜັດກັບອົກຊີ ກໍຈະເປັນສິວຫົວດຳ, ຖ້າເຮົາໄປຂັດ ໄປບີບແຮງໆ ກໍຈະເກີດການລະຄາຍເຄືອງກາຍເປັນສິວອັກເສບໄດ້
ການກະກຽມ:
ໄຂ່ໄກ່ 1 ໜ່ວຍ ແຍກເອົາສະເພາະໄຂ່ຂາວ, ເຈ້ຍທິດຊູ່ ຫຼືເຈ້ຍເຊັດໜ້າມັນ
ວິທີເຮັດ:
- ລ້າງໜ້າໃຫ້ສະອາດ ເອົາໄຂ່ໄກ່ທີ່ແຍກໄວ້ມາທາບາງໆ ທົ່ວບໍລິເວນທີ່ຈະລອກສິວຫົວດຳ
- ທາໄຂ່ໄກ່ແລ້ວ ເອົາເຈ້ຍທິດຊູ່ ຫຼືເຈ້ຍເຊັດໜ້າມັນ ມາແປະບໍລິເວນທີ່ທາໄຂ່ ແລ້ວບີບຄ່ອຍໆ
- ປະໄວ້ບຶດໜຶ່ງແລ້ວ ທາໄຂ່ອີກຄັ້ງ ເຮັດແບບນີ້ 3-4 ເທື່ອ
- ປະໄວ້ໃຫ້ທິດຊູ່ແຫ້ງ ແລ້ວຈຶ່ງລອກອອກ ສິວຫົວດຳຈະອອກມານໍາກະດາດທິດຊູ່
- ລ້າງໜ້າໃຫ້ສະອາດອີກຄັ້ງ ແລ້ວທາຄີມບຳລຸງຜິວປົກກະຕິ
ໃຜທີ່ມີບັນຫາເລື່ອງສິວສ້ຽນ, ສິວຫົວດຳ ພຽງແຕ່ປະຕິບັດຕາມຂັ້ນຕອນຂ້າງເທິງນັ້ນ ກໍສາມາດກຳຈັດສິວສ້ຽນ ໃຫ້ອອກຈາກໃບໜ້າ ແລະເຮັດໃຫ້ໃບໜ້າຂາວສົດໃສຂຶ້ນອີກ
ຕິດຕາມນານາສາລະ ກົດໄລຄ໌ເລີຍ!