ຂປລ. ທ່ານ ຄຳຕັນ ຊົມພັນດອນ ເຈົ້າເມືອງຈຳປາສັກ ໄດ້ໃຫ້ສຳພາດຕໍ່ສື່ມວນຊົນ ໃນວັນທີ 1 ກຸມພາ 2017 ນີ້ວ່າ ງານບຸນນະມັດສະການ ຜາສາດຫີນວັດພູຈຳປາສັກ ປະຈຳປີ 2017 ນີ້ ນັກທ່ອງທ່ຽວ ທັງພາຍໃນ ແລະ ຕ່າງປະເທດ ຈະບໍ່ໄດ້ເສຍຄ່າເຂົ້າຊົມວັດພູ ລະຫວ່າງວັນທີ 9-11 ກຸມພານີ້ ແຕ່ຈະເກັບຄ່າຝາກລົດ ໃນນັ້ນ ຄ່າຝາກລົດ ສຳລັບລົດໃຫຍ່ແມ່ນ 60 ພັນກີບ/ຄັນ ແລະ ລົດຈັກ 20 ພັນກີບ/ຄັນ.
ງານບຸນນະມັດສະການ ຜາສາດຫີນວັດພູຈຳປາສັກ ຈະຈັດຂຶ້ນລະຫວ່າງວັນທີ 8-11 ກຸມພານີ້ ສຳລັບວັນທີ 9 ກຸມພາ ເປັນມື້ເປີດງານຢ່າງເປັນທາງການ ແຕ່ສຳລັບປີນີ້ ແມ່ນຈະບໍ່ມີຂະບວນແຫ່ຄືປີຜ່ານມາ, ສຳລັບວັນທີ 11 ເປັນມື້ໃສ່ບາດ, ຕອນແລງຈະມີພິທີວຽນທຽນ ແລະ ການຄົບງັນຕາມປະເພນີ.ນອກຈາກນີ້ ຍັງຈະມີການສະແດງສີລະປະວັນນະຄະດີພື້ນເມືອງ ແລະ ເປີດຕະຫລາດນັດວາງສະແດງສິນຄ້າຕ່າງໆ ຈາກບັນດາເມືອງ, ແຂວງ ແລະ ບັນດາບໍລິສັດ, ຫ້າງຮ້ານ ທັງພາຍໃນ ແລະ ຕ່າງປະເທດ ເຊິ່ງສິນຄ້າຫລັກແມ່ນເຄື່ອງຫັດຖະກຳ ແລະ ສິນຄ້າທີ່ເປັນເອກະລັກ ຂອງບັນດາເມືອງຕ່າງໆ ພາຍໃນແຂວງຈຳປາສັກ.
ແຫລ່ງຂ່າວ:
ຕິດຕາມເຮົາທາງFacebook ກົດຖືກໃຈເລີຍ!