ສຳນັກຂ່າວຕ່າງປະເທດລາຍງານເມື່ອວັນທີ 1 ກຸມພາ 2017 ຜ່ານມາວ່າ ທີມນັກວິທະຍາສາດຂອງຈີນ ແລະເຢຍລະມັນ ຄົ້ນພົບຮ່ອງຮອຍຂອງຟອສຊິລ ທີ່ເຊື່ອວ່າເປັນສິ່ງທີ່ມີຊີວິດເກົ່າແກ່ທີ່ສຸດ ແລະເກີດກ່ອນສັດຕ່າງ ລວມເຖິງມະນຸດອີກດ້ວຍ
ສິ່ງທີ່ມີຊີວິດຕົວນີ້ຊື່ວ່າ Saccorhytus ມີຂະໜາດພຽງ 1 ມິນລີແມັດເທົ່ານັ້ນ, ນັກວິທະຍາສາດເຊື່ອວ່າ ພວກມັນມີຊີວິດຢູ່ປະມານ 540 ລ້ານປີກ່ອນ ເຊິ່ງອາໄສຢູ່ກົ້ນພື້ນຊາຍ ບໍລິເວນນໍ້າຕື້ນຂອງທະເລ ຕົວຂອງມັນມີຊ່ອງວ່າງຂະໜາດໃຫຍ່ທີ່ເຊື່ອວ່າເປັນປາກໄວ້ສຳລັບກິນອາຫານ ແຕ່ບໍ່ມີຮູຂັບຖ່າຍ, ນັກວິທະຍາສາດຈຶ່ງເຊື່ອວ່າ ສິ່ງທີ່ມີຊີວິດດັ່ງກ່າວ ຈະຂັບຖ່າຍອອກມາທາງຮູເກົ່າ, ຮ່າງກາຍຂອງມັນຖືກປົກຄຸມດ້ວຍກ້າມເນື້ອ ແລະຜິວໜັງບາງໆ ບໍ່ມີແຂນຂາ ແລະເຄື່ອນທີ່ດ້ວຍການບິດຕົວໄປມາ
ການກວດສອບຟອສຊິລ ດ້ວຍກ້ອງຈຸລະທັດ ແລະການເຮັດ CT ສະແກນ ທີມນັກວິທະຍາສາດໄດ້ສ້າງຮູບຈຳລອງຂອງ Saccorhytus ຂຶ້ນມາ