ອີງຕາມລາຍງານຂ່າວຈາກ ເວັບໄຊ ຂ່າວສົດ ເມື່ອເວລາປະມານ 10:30 ນາທີ ຂອງວັນທີ 1 ກຸມພາ 2017 ວ່າ ທີ່ກອງບັນຊາການຕຳຫຼວດປາບປາມຢາເສບຕິດຂອງປະເທດໄທ ໄດ້ລາຍງານ ການຈັບກຸມ ກຸ່ມຂະບວນຄ້າຢາເສບຕິດ 2 ຄະດີໃຫຍ່ ທີ່ມີ ມູນຄ່າສູງເຖິງ 406,530,120 ບາດ
ຄະດີທີ 1 ກວດພົບ ໃນວັນທີ 26 ມັງກອນ 2017 ຢູ່ທີເຂດ ອຳເພີຫາດໃຫຍ່, ຈັງຫວັດ ສົງຂາ ປະເທດໄທ. ໄດ້ແຕ່ຂອງກາງ ແຕ່ຜູ່ຕ້ອງຫາລົບໜີໄປໄດ້. ຮູ້ຊື່ແມ່ນ ທ້າວ ໂທ ບີ ຊຽງ ຄົນປະເທດມາເລເຊຍ. ຂອງກາງທີ່ຢຶດໄດ້ປະກອບມີ:
1. ຢາເສບຕິດໃຫ້ໂທດປະເພດ 1 (ຢາໄອຊ໌), ບັນຈຸໃນຖົງຢາງໃສ ມີນ້ຳໜັກຖົງລະ 1 ກິໂລກຣາມ ຈຳນວນ 87 ຖົງ, ລວມນ້ຳໜັກທັງໝົດ 87 ກິໂລກຣາມ.
2. ຢາເສບຕິດໃຫ້ໂທດປະເພດ 5 (ກັນຊາແຫ້ງອັດແທ່ງ) ນ້ຳໜັກລວມສິ່ງຫໍ່ຫຸ້ມປະມານ 24.10 ກຣາມ
3. ລົດຍົນຢີ່ຫໍເ ໂຕໂຢຕາ ລຸ້ນ ແຄມຣີ່ ສີປອນທອງ 1 ຄັນ
ຄະດີທີ 2 ແມ່ນຈັບໄດ້ໃນວັນທີ 29 ມັງກອນ 2017 ທີ່ ອຳເພີ ພົບພຣະ, ຈັງຫວັດ ຕາກ ປະເທດໄທ. ຈັບກຸມໄດ້ 3 ຄົນຄື: ນາງ ນົກວິກາ ຢ່າງສີລີ ອາຍຸ 38 ປີ, ທ້າວ ໄພເສີດ ແຊຢ່າງ ອາຍຸ 40 ປີ ແລະ ນາງ ມ່າງ ຢ່າງສີລິ ອາຍຸ 38 ປີ. ໂດຍຄະດີນີ້ ຍຶດໄດ້ຢາບ້າ 720,000 ເມັດ, ລົດກະບະຢີ່ຫໍ້ ໂຕໂຢຕ້າ ລຸ້ນວິໂກ້ ສີນ້ຳຕານ 1 ຄັນ ແລະ ໂທລະສັບມືຖື 3 ເຄື່ອງ
ສຳລັບເຄື່ອຂ່າຍຂອງ ທ້າວ ໄຊຊະນະ ຈາກແນວທາງການສືບສວນພົບວ່າ ມີເຄື່ອຂ່າຍກະຈາຍຢູ່ທົ່ວປະເທດຫຼາຍກວ່າ 100 ເຄືອຂ່າຍ ໂດຍບາງກຸ່ມຫັນມາຜະລິດຢາເອງ, ຈາກການສືບສວນ ຜູ່ຕ້ອງຫາ ໄດ້ບອກເຖິງ ບຸກຄົນທີ່ຢູ່ເບື້ອງຫຼັງ ທີ່ມີທັງຄົນດັງໃນວົງການບັນເທີງ, ກຸ່ມຄົນໄຮໂຊ ທີ່ມີສ່ວນກ່ຽວຂ້ອງໃນການ ເບິ່ງແຍງຊັບສິນຂອງເຄືອຂ່າຍ ໄຊຊະນະ. ເຊິ່ງຊັບສິນທັງໝົດ ສືບຮູ້ວ່າ ມີຢູ່ໃນເຂດ ກຸງເທບມະຫານະຄອນ.
ແຫລ່ງຂ່າວຈາກ: www.khaosod.co.th
ຕິດຕາມຂ່າວເສດຖະກິດລາວ ກົດໄລຄ໌ເລີຍ!