spot_img
Homeຊີວິດແລະຄວາມຮັກ10 ວິທີຈັດການກັບແຟນນອກໃຈ ແບບໄດ້ຜົນ

10 ວິທີຈັດການກັບແຟນນອກໃຈ ແບບໄດ້ຜົນ

Published on

ບັນຫາເລື່ອງແຟນນອກໃຈ ເປັນບັນຫາໜຶ່ງທີ່ເກີດຂຶ້ນໃນສັງຄົມປັດຈຸບັນນີ້ ເພາະບາງຄົນເມື່ອມີແຟນແລ້ວ ແຕ່ກໍບໍ່ມີຄຳວ່າ ພໍ ຈັກເທື່ອ ຈຶ່ງເກີດມີການນອກໃຈ ຫຼືມີນ້ອຍມີໃຫຍ່ເກີດຂຶ້ນ ດັ່ງນັ້ນ ມື້ນີ້ລາວໂພສຕ໌ ຈຶ່ງມີວິທີຈະມາຈັດການກັບແຟນທີ່ນອກໃຈ ແບບໄດ້ຜົນມາຝາກກັນ

  1. ບໍ່ຄວນເອົາເລື່ອງນີ້ໄປບອກໃຫ້ຄົນອື່ນຮູ້: ບັນຫານີ້ເປັນເລື່ອງຂອງເຈົ້າສອງຄົນ ບໍ່ຄວນເອົາເລື່ອງນີ້ໄປບອກໃຫ້ຄົນອື່ນຮູ້ ເພາະຈະເຮັດໃຫ້ແຟນເສຍໜ້າ ຫຼືເຂົາອາດອາຍຄົນອື່ນ ເຖິງແມ່ນເຈົ້າກັບເຂົາຈະດີກັນແລ້ວກໍຕາມ
  2. ຫັນໜ້າລົມກັນດ້ວຍເຫດຜົນ: ສາເຫດຂອງການນອກໃຈ ສ່ວນໜຶ່ງມາຈາກບັນຫາ ລະຫວ່າງເຈົ້າ ແລະເຂົາ ເຊິ່ງເຈົ້າເອງອາດມີຂໍ້ເສຍໃນບາງສິ່ງ ຄວນຫັນໜ້າມາລົມກັນດ້ວຍເຫດ ແລະຜົນ ເພື່ອປັບຄວາມຮູ້ສຶກເຂົ້າຫາກັນ
  3. ເອົາໃຈໃສ່ຕົນເອງຫຼາຍຂຶ້ນ: ຕ້ອງໝັ່ນດູແລຕົນເອງຫຼາຍຂຶ້ນ ເພື່ອໃຫ້ຄົນຮັກບໍ່ນອກໃຈ ເພາະສາເຫດໜຶ່ງຂອງການນອກໃຈ ແມ່ນມາຈາກການບໍ່ເອົາໃຈໃສ່ຕົວເອງຂອງເຈົ້າເອງກໍເປັນໄດ້
  4. ຢ່າປະຊົດຊີວິດ: ຄວນວາງຕົວເອງໃຫ້ມີຄຸນຄ່າ ຢ່າຄິດເຮັດໃສ່ຄົນຮັກ ດ້ວຍວິທີດຽວກັນ ຄືການມີຄົນໃໝ່ ເພາະວິທີນີ້ຈະເຮັດໃຫ້ເຂົາເປັນຝ່າຍເລືອກໄປຫາຄົນອື່ນ
  5. ການໃຫ້ອະໄພ: ເຖິງແມ່ນວ່າ ການໃຫ້ອະໄພຈະເປັນການຍາກ ແຕ່ຖ້າການທີ່ເຮົາເລືອກ ທີ່ຈະຮັກໃຜຄົນໜຶ່ງ ແລະຈະຮັກກັນໄປດົນໆ ກໍຄວນໃຫ້ອະໄພກັບຄົນທີ່ຕົນຮັກ ເພາະເຂົາເອງກໍເປັນພຽງຄົນທຳມະດາ ຕ້ອງມີຜິດພາດບາງຄັ້ງ
  6. ບໍ່ຄວນເວົ້າເລື່ອງອະດີດຂອງກັນ ແລະກັນ: ການເອົາເລື່ອງອະດີດ ທີ່ບໍ່ດີຂອງອີກຝ່າຍມາເວົ້າ ເປັນສິ່ງທີ່ບໍ່ຄວນເຮັດ ເພາະຈະເຮັດໃຫ້ຜິດກັນຫຼາຍຂຶ້ນກວ່າເກົ່າ
  7. ຢ່າລະແວງຫຼາຍເກີນໄປ: ການລະແວງຫຼາຍເກີນໄປ ກໍບໍ່ດີປານໃດ ເພາະຈະເຮັດໃຫ້ອີກຝ່າຍຮູ້ສຶກວ່າບໍ່ມີຄວາມໄວ້ໃຈໃຫ້ກັນ, ບາງຄັ້ງອາດເກີດການເບື່ອ ແລະລຳຄານ ເພາະຮັກກັນຕ້ອງເຊື່ອໃຈກັນຈະດີກວ່າ
  8. ເຈົ້າຄືສິ່ງສຳຄັນທີ່ສຸດໃນຊີວິດ: ເຈົ້າຕ້ອງສະແດງໃຫ້ເຂົາເຫັນວ່າ ເຈົ້າເປັນຜູ້ຍິງທີ່ມີຄ່າ ແລະເໝາະທີ່ຈະເປັນພັນລະຍາ ແລະແມ່ຂອງລູກໃນອະນາຄົດໄດ້ດີທີ່ສຸດ
  9. ຫ້າມໃຊ້ວິທີຮຸນແຮງເດັດຂາດ: ບໍ່ຄວນລຸກຂຶ້ນມາອາລະວາດ ຫຼືທຳຮ້າຍຝ່າຍກົງກັນຂ້າມ ເພາະຕ້ອງການແກ້ແຄ້ນ ທີ່ເຮັດໃຫ້ເຈົ້າເຈັບປວດ ເພາະມັນບໍ່ໄດ້ຊ່ວຍໃຫ້ດີຂຶ້ນ ແຕ່ມັນຈະເຮັດໃຫ້ບັນຫາໃຫຍ່ກວ່າເດີມອີກ
  10. ຢ່າໂວຍວາຍ: ຢ່າປ່ອຍໃຫ້ອາລົມຫຶງຫວງ ເຮັດໃຫ້ເຈົ້າໂວຍວາຍອອກມາ ຫຼືໃຫ້ຄວາມເສຍໃຈເຮັດໃຫ້ເຈົ້າ ຕັດສິນໃຈຜິດໆອອກໄປ ເພາະເລື່ອງແບບນີ້ ອາດເຮັດໃຫ້ເກີດຄວາມຜິດພາດກັນໄດ້

ຕິດຕາມເລື່ອງດີດີເພຈຊີວິດແລະຄວາມຮັກ ກົດໄລຄ໌ເລີຍ!

ifram FB ເພຈທ່ຽວເມືອງລາວ Laotrips

ບົດຄວາມຫຼ້າສຸດ

ພິທີວາງສີລາລຶກການກໍ່ສ້າງສໍານັກງານໃຫຍ່ ແລະ ສະຖານທີ່ຝຶກອົບຮົມແຫ່ງໃໝ່

ສະຫະລັດອາເມຣິກາ ແລະ ສປປ ລາວ ສະເຫຼີມສະຫຼອງ ພິທີວາງ ສີລາລຶກ ການກໍ່ສ້າງສໍານັກງານໃຫຍ່ ແລະ ສະຖານທີ່ຝຶກອົບຮົມ ແຫ່ງໃໝ່ຂອງພາສີລາວ ນະຄອນຫຼວງວຽງຈັນ, ສປປ ລາວ, ວັນ​ທີ...

ແກ້ງຢານາຣົກຕີນຽນ! ໃສ່ປ້າຍລົດລັດຂົນຢາບ້າກວ່າ 10 ລ້ານເມັດຜ່ານຈຸດກວດ ສຸດທ້າຍຖືກເຈົ້າໜ້າທີ່ົໄລ່ຍິງ

ໄລ່ຍິງສະນັ່ນ! ເຈົ້າໜ້າທີ່ຕຳຫຼວດໄລ່ຍິງກຸ່ມແກ້ງຄ້າຢາເສບຕິດ ໂດຍການໃສ່ປ້າຍລົດລັດ. ໃນຄັ້ງວັນທີ 10 ພຶດສະພາ 2025 ທາງເຈົ້າໜ້າທີ່ປະຈໍາຈຸດກວດການໍ້າເກິ່ງໄດ້ເຮັດວຽກກວດກາຍານພາຫະນະເປັນປົກກະຕິ, ຮອດເວລາປະມານ 11 ໂມງ 00 ນາທີ ໄດ້ມີລົດຟໍຈູນເນີ ສີປອນ...

ຕາດູຕົນ ເຫດໄຟໄໝ້ເຮືອນປະຊາຊົນ ບ້ານປຸ່ງສ້ຽວ ເມືອງສິງ ແຂວງຫຼວງນ້ຳທາ ເສຍຫາຍ 480 ລ້ານກີບ

ເຫດໄຟໄໝ້ເຮືອນປະຊາຊົນ ເສຍຫາຍ 480 ລ້ານ. ຕາມການໃຫ້ຂໍ້ມູນຂອງກອງຕຳຫຼວດຈະລາຈອນ-ມອດໄຟ ປກສ ເມືອງສິງ ແຂວງຫຼວງນ້ຳທາໃຫ້ຮູ້ວ່າ:ໃນຕອນເຊົ້າເວລາ 10 ໂມງ ວັນທີ 12 ພຶດສະພາ 2025 ໄດ້ຮັບແຈ້ງຈາກ...

ຈັບຊາຍຊາວຈີນ ຫຶງໂຫດລົງມືຄາຕະກຳແຟນສາວ ຢູ່ທ່າແຂກ ແຂວງຄຳມ່ວນ

ຈັບຊາຍຊາວຈີນ ຫຶງໂຫດລົງມືຄາຕະກຳແຟນສາວ ຢູ່ທ່າແຂກ ແຂວງຄຳມ່ວນ ຍ້ອນຄິດວ່າແຟນສາວຈະເດີນທາງໄປຫາຜູ້ບ່າວ. ເຈົ້າໜ້າທີ່ ປກສ ເເຂວງຄໍາມ່ວນ ລາຍງານວ່າ: ວັນທີ 8 ພຶດສະພາ 2025 ເຈົ້າໜ້າທີ່ໄດ້ນໍາຕົວ ທ້າວ...